DUUCA 8:1 - Wanaadi A'deddu

¹ Yää ’jeje Jesuuquidiito cönäämannä’acä jata waadäi, aashichaato wätunnä Wanaadi töcaajichaanaije tödöödö jäcä ecammajä’ancädä. Ñanno amoojadooto de’wä aaco’como ñoowanoomadö chääjadä cönä’ja’to dea.

DUUCA 8:1 ပူးပေါင်းရင်းမြစ်များ

MATEO 11:1

Ñanno amoojadooto de’wä aaco’como tönoowanoomadö wätuujadööcomo jäcä töwä’cä’jäcä, Jesuuquidiito cöntämä yäätonno judhíocoomo jataacäi, Wanaadi a’deddu ecammajä’e, soto owaanomaiñe mmaja.

MATEO 13:19

Anejja wwä Wanaadi töcaajichaanaije tödöödö jäcä ecammajäätödö towaanäcä’de eta’jäcä, odo’sha ne’a yaawä. Yää Wanaadi a’deddu etaajä chö’tajäätödö acanno nichö’taque’ja yaawä. Ñäädä cu’tädö yää ääma taawa dhadöödö cönä’meichö.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 9:35

Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.

MAADOCO 1:39

Yaawä Jesuuquidiito cönäämannä’acä tameedä Caadideea weichö wadaadäädä, we’jummatoojo taca ecammajä’ancädä, odo’shancomo ija’canö’jancädä mmaja.

DUUCA 1:80

Yaawä Juan nnejeedö’cä cönaatö’nä’acä; cönsejjeta’dea. Jata ’jemjönö aca töweiye cönä’jaacä iisadaaediitacoomo wwäiñe töwäänejootojo cu’nädö aca töwä’dödö wa’cä.

DUUCA 20:1

Aneedawä anooto awä Jesuuquidiito soto cönoowanooma’to Wanaadi weichojo taca. Aashichaato wätunnä cöneecammajä’acä chäwwäiñe. Yaawä yöiña cöneejoto ñanno Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

DUUCA 9:6

Ñanno cönääma’toicho yaawä. Jata waadäi cöntonto aashichaato wätunnä ecammajä’ancädä, soto ejiichö’tancädäiñe mmaja, tameedä yeichö wa’cä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 13:32

“Mädääje na; äwwäiñe ñaa necammajä’a eduuwa aashichaato wätunnä, yää cadai’choncomo wwä Wanaadi necamma’jödö.

DOMAANO 10:15

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.