DUUCA 7:44 - Wanaadi A'deddu

⁴⁴ Yaawä wodi wwadäädä töwä’jedennaca’jäcä Jesuuquidiito cönä’döaacä Simón wwä: —Määdhä wodi naadö naane’. Öwö yoomomöi ämmai chaca. Tuna äntu’da meiya u’judu coccatoojo. Määdhä mmaane, tänaacudu que töjöödö’jo, tuju’jädö que u’judu nichoccai.

DUUCA 7:44 ပူးပေါင်းရင်းမြစ်များ

DUUCA 7:38

Yaawä töwaamoancädä töwö cönä’döi Jesuuquidiito ncadheedä, i’judu dö’tä. Cönaajäntäi yaawä i’judu töjöödö tänaacudu que; tuju’jädö que cöncocaacä. Shuumajä’ancädä tönnejöödö juu shimi’jotoojo que i’judu cömjöi yaawä.

DUUCA 7:43

Simón cöneccujä’acä: —Ñäädä ’cännä, jooje’cä ñeejeque’näjöödö cönencwanno’joichö. Jesuuquidiito cönä’döaacä: —Chäänönge michö’tammecöi.

JUAN 13:5

Yaawä tuna cönaccai jinsheeda aca. Cönaajäntäi yaawä tönoowanoomadö ’juduucomo coccadö; yää jaañu, tö’dhau’cwäcä cönä’ja’dö que cönsede’nanö’jätöi chea.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

SANTIYAACO 2:6

Yääje töweiyaamoje yeichaameiñe änwanno wentumja’como tömjöichojoiñe määnetääne. ¿Tönsomaaca’como jönca adhennanö’catäiñe weneeneto? ¿Ñanno jönca acu’shänä wwadäädä adhaadätäiñe weneeneto dea?