DUUCA 7:42 - Wanaadi A'deddu

⁴² Täjeematoojo ’je’da yeijäcä chäwwäiñe, ñäädä täjeeque’nä’emö täjeeque’näjöödö cönencwanno’joi, a’nädäncädä. ¿Äshono ñäädä täjeeque’nä’emö jooje’cä ijummajai nichö’taanä äwwä? quee cönä’döaacä Jesuuquidiito Simón wwä.

DUUCA 7:42 ပူးပေါင်းရင်းမြစ်များ

MATEO 18:27

Chäädhajä wentumje cöneeneaacä yaawä. Tameedä ñeejeque’näjöödö cönencwanno’joi. Cönenno’jai yaawä.

MATEO 18:34

Chäädhajä jooje cönäätömai yaawä chääjäcä. Cuntui yaawä jedeeso edhaajä wwä, tameedä täjeeque’näjöödö ejeemadö wa’cä chäwwä.

MATEO 6:12

Ñaa cone’nadiiyö encwanno’jocä, ñaa mmaja töjääcä conemjönö tödöödö tönencwanno’jo ñaa weneenedööje mmaja.

DUUCA 7:43

Simón cöneccujä’acä: —Ñäädä ’cännä, jooje’cä ñeejeque’näjöödö cönencwanno’joichö. Jesuuquidiito cönä’döaacä: —Chäänönge michö’tammecöi.

DOMAANO 3:24

Yääje yeichaame Wanaadi töjaadonooje soto nödööaato ejeemajancädä’da, aashicha töweichö woije mmädääne, Jesuuquidiito wwä ewaanaca’jocoomo weijäcä.

DOMAANO 5:6

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.