DUUCA 7:39 - Wanaadi A'deddu

³⁹ Yää eneea’jäcä jaadiseeo wwä, ñäädä ääwashinchä Jesuuquidiito a’dejjanei’jödö wwä, töwö cöntö’tajä’acä: “Wanaadi wa’deuwödö ecammanei ñeeneje määdhä weiya’jäcä, dhowaanäcä eichö määdhä wodi tajoojonei masuuduije yeichö;” quee cöntö’tajä’acä.

DUUCA 7:39 ပူးပေါင်းရင်းမြစ်များ

MATEO 20:16

Mädääje na. Ñanno wentumja’como’jödö täneejuque naato’de. Ñanno täneejuca’como’jödö mmaane ema’jödööje naato’de. Jooje a’dejja’como naatoodö’je; e’ta’como jaiñoone äächädä mma; quee cönä’döaacä. Jesuuquidiito.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

MAADOCO 7:21

soto do’tacaano we’ajääne conemjönö weiyajä, yää cone’da tö’tajä’nä, anejja jiñamo ajoojodö mmaja, masuuduichanä mmaja, soto emaadö mmaja,

DUUCA 12:17

Töwö töwwäädä cöntö’tajä’acä yaawä: “Aaquene edä naatödö ejeedödö wödöötai? Shoomatoojo ’je’da na.

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 16:3

Yaawä ñäädä iiñöjäätödö edhaajä töwwäädä cöntö’tajä’acä: “Ane’cäämö wödööanä eduuwä? Yeedhajä yu’ca’se na mädä taadawaajuije yeichö jonno. Jäduuje’da tö’ta, nono töcaaneije etaadawa’cajoojai’cha. Aateme’jai’cha wa dea, töjöiye.

DUUCA 18:4

Ñäädä äcamma’jonei numa cönä’jaacä yää tödö’se’dä. Äcuude’cä edääje cöntö’tajäätöi: “Wanaadi onnontä’da weichaame, soto onnontä’da weichaame mmaja,

DUUCA 3:8

Aweichöcoomo sha’duminchatääcä, tötö’tajäätödööcomo yeesa’dumincha’como weichö nönge deaane. Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

DUUCA 7:37

Yaawä yää jataawono wodi cöneejä; masuudui töwö cönä’jaacä. Töwö cöneetai jaadiseeo mmai chaca Jesuuquidiito wääwashinchädö. Yääje yeijäcä juu shimi’jotoojo dha’me cönoomomöi, jeteiya tajääde’dato chääwötö’cä.

DUUCA 7:38

Yaawä töwaamoancädä töwö cönä’döi Jesuuquidiito ncadheedä, i’judu dö’tä. Cönaajäntäi yaawä i’judu töjöödö tänaacudu que; tuju’jädö que cöncocaacä. Shuumajä’ancädä tönnejöödö juu shimi’jotoojo que i’judu cömjöi yaawä.

DUUCA 7:40

Yaawä Jesuuquidiito cönä’döaacä jaadiseeo wwä: —Simón, she’caasa wa’deuwö’se wa äwwä; quee cönä’döaacä. —Adha’deucä, Owaanomaanei; quee cönä’döaacä ñäädä jaadiseeo.

JUAN 4:19

Yää eta’jäcä wodi cönä’döaacä: —Wanaadi wa’deuwödö ecammaneije ätö’ta öwwä.

JUAN 7:12

Jooje soto cöna’deuwa’to chääjäcä. Anejjacoomo cönä’döa’to: “Aashichaato töwö;” quee; anejjacoomo ’quene cönä’döa’to: “Cone’da töwö, soto täncu’täiñe;” quee daja.

JUAN 9:24

Yää ’jeje cöna’dejjaicho dea ñäädä tänuuquemjönö’jödö; cönä’döa’to chäwwä: —Wanaadi netaadöje ääcammacä; ñaa owaanäcä na ñäädä dhanwa conemjönööje yeichö; quee cönä’döa’to.