DUUCA 7:19 - Wanaadi A'deddu

¹⁹ Juan cöna’dejjaicho yaawä aacä tönoowanoomadö; cönenno’jaicho Jesuuquidiito ecamma’jo: “ ¿Ñäädä ca amäädä Äwaanacaanei, töwe’emööje tacaade naadö, anejjaane ñaa niyoomo’canä?” quee ecamma’jo.

DUUCA 7:19 ပူးပေါင်းရင်းမြစ်များ

MAADOCO 6:7

Yääje mma yaawä Jesuuquidiito cöni’jummaicho tönoowanoomadö, ñanno amoojadooto de’wä aaco’como. Aacäi cönaanontoicho. Töwö cuntui chäwwäiñe ijääduduucomo, odo’shancomo ija’canö’joto’como.

DUUCA 10:1

Yää ’jeje Cädhaajotoncomo Jesuuquidiito cöne’toicho dea anejjacoomo tanontaamo daja, aaduwaawä sotooto de’wä amoojadä. Töwö towaajo cönaanontoicho aacäi, tameedä jata töötotoojo waadäi;

DUUCA 11:1

Yääje mma yaawä Jesuuquidiito Wanaadi wwä cöna’deuwacä. Ya’deuwödö yä’ca’jäcä tooni ñoowanoomadö cönä’döaacä chäwwä: —Cajiichaana, ñaa owaanomaacä Wanaadi wwä wa’deunä jäcä, Juan tönoowanoomadö cönoowanoomaichodööje mmaja; quee.

DUUCA 11:39

Yaawä Cädhaajotoncomo Jesuuquidiito cönä’döaacä chäwwä: —Änwanno jaadiseeo ye’wä mma aashicha maato, incha’cäcä mma jadaaji atööäjä töweiye naichöje; aweichöcoomo mmaane tämeeneiñe, chäänönge’da mmaja.

DUUCA 12:42

Töwö Cädhaajotoncomo cönä’döaacä yaawä: —¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 13:15

Yaawä Cädhaajotoncomo cöneccujä’acä; cönä’döaacä: —Yääjönö wa’co’como wäänejoodö änwanno. ¿Adheecönööcomo ani’wadööca’da ca töweiye määnetääne wäädeetatoojo anootoi’chädö awä, tuna emjo adäädö wetä?

DUUCA 17:5

Yääje mma yaawä ñanno anonta’como cönä’döa’to Cädhaajotoncomo wwä: —Jooje’cä ñaa necamjödö ijäädu’täcä; quee.

DUUCA 17:6

Yaawä Jesuuquidiito cönä’döaacä: —Wishu adöödö ’cäwa’cä aneecamjödööcomo weichaame, edääje ä’döjai maato edä meje wwä: “Ätu’cacä määtonno; dama ’cwaca ä’natö’täta;” quee ä’döjai maato. Adha’deddu nönge ä’döjai ña yaawä.

DUUCA 18:6

Edääje cönä’döaacä yaawä Cädhaajotoncomo: —Mädääje cöntö’tajäätöi ñäädä äcamma’jonei chäänöngemjönö.

DUUCA 19:8

Saqueeo cönammöi yaawä; cönä’döaacä Cädhaajotoncomo wwä: —Cajiichaana, eduuwa önsomaadö annai wu’jä’a’de wentumja’como wwä. Yää soto encu’täjä’ancädäiñe öncana’ca’jödö wiiñaca’de chäwwäiñe, aacäicheeade; quee cönä’döaacä Saqueeo.

DUUCA 22:61

Yaawä Cädhaajotoncomo cönä’jedennacai Peedhodo wwadäädä; yäätäädä cöneene’maacä. Peedhodo cöntö’tai yaawä töwwä Jesuuquidiito wa’deuwö’jödö jäcä: “Edä coijaichawä dea amäädä aaduwaawäde cöjoome’da’de, wameedi wetöömödö owaajodä;” quee yä’dö’jödö jäcä.

DUUCA 24:34

Ñanno cönä’döa’to aaco’como wwäiñe: —Cädhaajotoncomo naadoncai chämma; Simón wwä näänejoi; quee cönä’döa’to.

DUUCA 7:13

Ñäädä wodi töwwä eneea’jäcä, Cajiichaana Jesuuquidiito wentumje cöneeneaacä; cönä’döaacä chäwwä: —Maamoi; quee.

DUUCA 7:20

Jesuuquidiito döiña ñanno cöntonto yaawä; cönä’döa’to chäwwä: —Juan Wautiita ñaa anontäne adheecamma’jo, ¿ñäädä ca amäädä Äwaanacaanei, töwe’emööje tacaade naadö, anejjaane ñaa niyoomo’canä? quee adheecamma’jo; quee cönä’döa’to.

JUAN 11:2

Ñäädä Madía cönä’jaacä juu shimi’jotoojo accanei’jödö Jesuuquidiito ’judu de’cäcä, tuju’jädö que choccanei’jödö mmaja; ñäädä jiyö cädäije cönä’jaacä.

JUAN 4:1

Yääje mma yaawä jaadiseeo cöneeta’to jooje Jesuuquidiito nowaanomaadö weichöcoomo, jooje soto wautisaaje tönnöeiñe yeichö mmaja, Juan e’jodhe’cä.

JUAN 4:25

Yaawä ñäädä wodi cönä’döaacä: —Yoowanääcä na ñäädä Mesía we’tojo, ñäädä Äwaanacaanei. Töwö ye’a’jäcä tameedä necammajä’a’de cöwwäiñe; quee.

JUAN 6:23

Yääje mma yaawä anejja cudiiyada cönä’döi Tiweediya ñanno. Yäätä cönaajäi, uu jäcä Jesuuquidiito wa’deuwödö’jo soto wääwashincho’jocoomo dö’tä.

APOOCADIISI 11:3

Öwö wanontaato’de aacä ya’deddu ecammajä’nnamo; tönwanno öwö untudu woije necammajä’aato’de 1,260 anooto, camiisha juduumato döaajä yoomöcoomoje; quee cönäätäcammai öwwä.