DUUCA 6:9 - Wanaadi A'deddu

⁹ Yaawä Jesuuquidiito cönä’döaacä yäätoncomo soto wwäiñe: —Yä’cä, maneecamma’jotäiye. ¿Ane’cäämö wäädeetatoojo anooto awä tödööemööje necammaanä waanontänä imennaajä, aashichaato ’ja, conemjönööne’ ? ¿Ewaanacaadö, emaadööne’ ? quee cönä’döaacä.

DUUCA 6:9 ပူးပေါင်းရင်းမြစ်များ

MAADOCO 3:4

Töwö Jesuuquidiito ñanno soto cöneecamma’joicho: —¿Ane’cäämö wäädeetatoojo anooto awä tödööemööje necammaanä waanontänä imennaajä? ¿Aashichaato ’ja, conemjönööne’ ? ¿Ewaanacaadö, emaadööne’ ? quee cönä’döaacä. Äucwätä’da mma ñanno soto cönä’ja’to.

DUUCA 14:3

Yaawä Jesuuquidiito cöneecamma’joicho ñanno judhío owaanomannamo, jaadiseeocoomo mmaja: —¿Aashicha ca wäädeetatoojo anooto awä soto adoncadö töweiye nai, cone’daane? quee cönä’döaacä.

DUUCA 6:10

Yaawä tameedä ene’mancädäiñe, Jesuuquidiito cönä’döaacä ñäädä dhanwa wwä: —Änwojoocä; quee. Ñäädä cönänwojoi; dhamäädö aashicha cönä’döi yaawä.

DUUCA 6:8

Jesuuquidiito dhowaanäcä cönä’jaacä chö’tajäätödööcomo. Töwö cönä’döaacä dhamäädö töwaamo’mongato wwä. —Aanöncä; ä’cäde sadäädä. Ñäädä cönammöi yaawä.

DUUCA 9:56

Öwö, Soto nnedö, we’ne soto töja’eiñe’da, ewaanacaiñeene; quee cönä’döaacä. Yää ’jeje tönwanno cöntonto anejja jataaca.