DUUCA 6:47 - Wanaadi A'deddu

⁴⁷ Etaatäcä eduuwa yö’seeno joi neecammajäätödö ñäädä öwwadäädono we’ajä jäcä, ya’deddu etaanei jäcä mmaja, tödöönei mmaja. ¿Änääcö nönge töwö, quee ’ja?

DUUCA 6:47 ပူးပေါင်းရင်းမြစ်များ

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

DUUCA 11:28

Jesuuquidiito cönä’döaacä yaawä: —Ñannoone ta’cwaiñe eijai ñaato, Wanaadi a’deddu etannamo, tödönnamo mmaja; quee cönä’döaacä.

DUUCA 14:26

—Ñäädä jaadä töwei’shato, tumö ämjumma’da yeiya’jäcä, senö mmaja, töjiiñamo mmaja, tönnacoomo mmaja, tacontomo mmaja, tuduichomo mmaja, töjaadui’chomo mmaja, töweichö jadä’jödöödö ämjumma’da yeiya’jäcä, ñäädä noowanoomadööje eijai’cha na.

DUUCA 6:48

Töwö na dhanwa tooja de’wä tömmai amäänei’jödö nönge. Ñäädä dhanwa nono cöncai sö’je, tooja tojoodöeene. Yää aca tömmai mu’dudui cöneewaacai. Tuna cuncumai yaawä jooje, maa yo’wannacaajai tödööene. Ommo’wannaca’da cöneiyacä, tooja de’wä yo’wadö weijäcä.

DUUCA 8:13

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää. Tömiiche’daane tönwanno. A’dhe mma necaanö’aato; wä’yunaacajoonä cu’nädö awä ne’nomjaato yaawä.

DUUCA 8:8

Anejja dhadöödö aashichaato nono de’wä cönä’mei. Yää jaiñoone aashicha cöna’tai, cöneejössatai yaawä; ijaatoodea soto ’cäwa’cä chääjedöödö cönä’jaacä; que cönä’döaacä Jesuuquidiito. Mädä jäcä töwa’deuwödö’jo, töwö töcä’de cönä’döaacä: —Eta’sato neta’ñojo; quee.

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 13:17

¿Odhoowanääcäiñe jönca näätaanä? Ta’cwaiñe eijai maato mädä tödööajäcä äwwäiñe.

JUAN 14:15

“Äwwäiñe jumma’jäcä öwö waanontädö tödöötäcä.

JUAN 5:40

öwwadäädä aweejö’seiñe’da maato yää aweichöcoomo wutuiye yaawä.

JUAN 6:35

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

JUAN 8:52

Yaawä ñanno judhíocoomo cönä’döa’to chäwwä: —Eduuwa ñaa owaanäcä na odo’sha ’je aweichö. Aawadán töwääma na, tameedä Wanaadi wa’deuwödö ecammannamo’jödö mmaja; yääje yeichaame yääje mä’döaanä: “Ya’deddu woije tödöönei ääma’da na’de;” quee.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

SANTIYAACO 4:17

Ñäädä aashichaato tödööemö towaanäcä yeichaame ännöjöönö, conemjönö nödööa ñäädä.

1 PEEDHODO 2:4

Jesuuquidiito wwadäädä ä’täcä. Töwö na täju yeichöödoto töweiye naichöje. Sotoocomo cönquiiñemeecöicho, Wanaadi mmaane cönei, chäwwä tujunne na.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 3:7

Önnacoomo’cä, mätäncu’tojootäi’che anejja wwä. Ñäädä chäänöngato tödöönei chäänönge na, Jesuuquidiito chäänönge naadöje mmaja.

APOOCADIISI 22:14

Ta’cwaiñe eijai ñaato ñanno töwoomöcoomo choccannamo’jödö, weichojo ejeedödö ameedö wetä töwwäiñe, jata nata’tadö ai töwoomomöödöcoomo wetä mmaja.