DUUCA 6:13 - Wanaadi A'deddu

¹³ Yaawä yaawaana’jäcä, tönoowanoomadö cöni’jummaicho. Dhantawonnoiñe cöne’toicho amoojadooto de’wä aacä, ecammajä’e tanontaamoje.

DUUCA 6:13 ပူးပေါင်းရင်းမြစ်များ

MATEO 10:2

Edä yää ñanno amoojadooto de’wä aaco’como anonta’como eetöcoomo: Awa’de Simón, Peedhodooje mmaja töwö chäätö; yää ’jeje dhacoono Antedé; yää ’jeje Jacoowo, ñäädä Seewedheeo nnedö; dhacoono Juan mmaja;

MATEO 19:28

Jesuuquidiito cönä’döaacä chäwwäiñe: —Chäänönge yääje wä’döa äwwäiñe, yaawä tameedä eduuwaatoje yenwacaama’jäcä, Soto nnedö tumuudei ye’wä nataajima’de o’jodhaatoje. Yaawä änwanno, jaadoncomo’jödö, mude de’wä mmaja mataajimaato’dede iisadaaediitacoomo cajiichaanaichomooje, ñanno amoojadooto de’wä aacä iju’jä naatoodö.

MATEO 9:36

Jesuuquidiito ñanno soto wentumje cöneene’ma’to, töwaatansu’dä yeijäcäiñe, jäduuje’da yeijäcäiñe mmaja, oweeja tädhaajäquemjöncomo eijai ñaatoodöje.

MAADOCO 6:30

Ñanno anonta’como cöne’jummaicho yaawä Jesuuquidiito döiña. Chäwwä cöneecammajäätöicho tameedä tönnö’jocoomo, tönoowanooma’jocoomo mmaja.

MAADOCO 6:7

Yääje mma yaawä Jesuuquidiito cöni’jummaicho tönoowanoomadö, ñanno amoojadooto de’wä aaco’como. Aacäi cönaanontoicho. Töwö cuntui chäwwäiñe ijääduduucomo, odo’shancomo ija’canö’joto’como.

DUUCA 11:49

“Yääje yeijäcä Wanaadi tösejjeque töweichö woije yääje cönä’döaacä: “Wa’deuwödö ecammannamo, anejjacoomo yaanonö mmaja, wanaanontaato’de yöiñaiñe. Dhantai nöja’aato’de; dhantai ’chene nimaaminchaato’de;” quee Wanaadi cönä’döaacä.

DUUCA 22:30

Jaadä määwashinchaato’de yaawä cajiichaanaje weichö; mude de’wä mmaja mataajimaato’dede ñanno Iisadaaeeda weichö cajiichaanaichomooje, ñanno amoojadooto de’wä aaco’como iju’jä naatoodö; quee cönä’döaacä Jesuuquidiito.

DUUCA 6:14

Ñanno cönä’ja’to Simón, ñäädä Peedhodooje cöne’täichö; dhacoono Antedé mmaja; Jacoowo mmaja; Juan mmaja; Jediipe mmaja; Waadotoodomé mmaja;

JUAN 4:33

Yaawä ñoowanoomadö cönä’döa’to tönwannoje dea: —¿Anejja’da chääwanshiñö nutui? quee.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

APOOCADIISI 12:1

Yaawä ene’ju’tojo adai’joto cönääneaacä caju ña; wodi cönä’jaacä, shii töwoomöje, nuunä i’judu o’nä. Iju’jä de’wä cönä’jaacä canaanadi, amoojadooto de’wä aacä shidiichä chääjäcä.

APOOCADIISI 18:20

Yaatame’jödö weijäcä adha’cwainchatääcä änwanno caju ñancomo, änwanno mmaja Wanaadi sotoi, anonta’como’jödö mmaja, Wanaadi wa’deuwödö ecammannamo’jödö mmaja. Ta’cwaiñe eichäcä Wanaadi wwä ojo’to’jocoomo weijäcä chääjäcä.

APOOCADIISI 21:14

Amoojadooto de’wä aacä cönä’jaacä chuudadai’chä’jödö o’wadö. Chääjäcä imennaajä cönä’jaacä, ñanno amoojadooto de’wä aaco’como Oweeja nnedö’cä nanontädö eetöcoomo, ñanno anonta’como’jödö.