DUUCA 5:29 - Wanaadi A'deddu

²⁹ Yaawä Dewí soto cöneewashincha’to tömmai chaca. Jooje soto cönä’ja’to, acu’shänä jödaatai i’jummannamo mmaja, anejjacoomo mmaja. Jesuuquidiito jadä cönääwashincha’to.

DUUCA 5:29 ပူးပေါင်းရင်းမြစ်များ

MATEO 11:19

Yää ’jeje Soto nnedö cöneejä, öwö waadö. Öwö mmaane soto jadäiñe töwääwashinchä wääene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä. Yääje yeichaame wätunnä ecaanö’nnamo chäänönge yeiya’comjäcä owaanäcä yaawä yää wätunnä chäänönge yeichö; quee cönä’döaacö Jesuuquidiito.

MATEO 5:46

Ajummannamo mma ijumma’jäcä äwwäiñe, ¿aaquene ääjemaajai ñai yää? Mädääje acu’shänä jödaatai i’jummanei nijumma tujummanei chea mma.

MATEO 9:10

Yaawä Jesuuquidiito maa taca cönääwashinchaacä tönoowanoomadö jadäiñe. Jooje acu’shänä jödaatai i’jummannamo mmaja cönoomomöicho dea yaawä, jooje conemjönö dönnamo mmaja. Cönääwashincha’to yaawä Jesuuquidiito jadä, ñoowanoomadö jadäiñe mmaja.

MATEO 9:9

Yääje mma yaawä Jesuuquidiito cöntämä yäätonno. Dhanwa cöneejodöi yaawä, Mateo täätö. Shuucu ñäädä cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä. Mateo cönammöi yaawä, chääjadä töötädööje mma.

MAADOCO 2:15

Yaawä Dewí mmai chaca Jesuuquidiito wääwashinchädaawä jooje acu’shänä jödaatai i’jummannamo mmaja cönoomomöicho dea, anejjacoomo conemjönö dönnamo mmaja. Tönwanno Jesuuquidiito jadä cönääwashincha’to, ñoowanoomadö jadäiñe mmaja. Jooje cönä’ja’to ñanno Jesuuquidiito jadoncomo.

DUUCA 15:1

Tameedä acu’shänä jödaatai i’jummannamo Jesuuquidiito wwadäädä cöne’jumma’to yaawä, conemjönö dönnamo mmaja cöne’jumma’to dea, chäwwä ecammajäätödö eta.

JUAN 12:2

Yäätä tujuumä cönääwashinchoicho Jesuuquidiito jäcä ta’cwaiñe töweichomjäcä. Maadata cönä’jaacä äwanshi tödööneije; Dáasado mmaane Jesuuquidiito jadoncomo wääwashinchädö jadä yaatajiimaajä cönä’jaacä.

1 CODINTIYO 10:27

Adheewashinchädö wetä tömmai chaca adha’dejja’jäcä quedeiyentejöönö wwä, äätä’se aweiya’jäcä, tameedä töwö inchudu tänääcä’de, chu’taajä wwä saaquidiijiisiyooje u’ajääje yeichö ecamma’jancädä’da, mädä ai mma ätö’tajäätödö maneejodööjo’no yaawä.