DUUCA 5:2 - Wanaadi A'deddu

² Yaawä Jesuuquidiito cöneedantäi aacä cudiiyada ije’waca, tasseiñe’da. Ñanno dhacancomo’jödö, na’cwacancomo i’yännamo, töwä’täjä’e cönä’ja’to; töjaajiyööcomo cöncoccajä’a’to.

DUUCA 5:2 ပူးပေါင်းရင်းမြစ်များ

MATEO 4:18

Caadideea cu’jäi jacääcä töötädaawä Jesuuquidiito cöneejodöicho aacä dhanwaacomo, ñanno dea. Simón täätö cönä’jaacä yui, ñäädä eetö dea Peedhodooje. Dhacoono cönä’jaacä Antedé. Jaji emaajätöödöje cönä’ja’to na’cwaca, na’cwacancomo i’yännamooje töweijäcäiñe.

MATEO 4:21

Mänseedä’cä Jesuuquidiito wä’döa’jäcä, aacä dhanwaacomo mmaja cöneejodöicho dea, tacoono acä mmaja. Ñanno cönä’ja’to Jacoowo, Seewedheeo nnedö, Juan mmaja, Jacoowo acoono. Cudiiyada awä cönä’ja’to tumöötoncomo jadä, töjaajiyööcomo coneecadööje. Ñanno daja Jesuuquidiito cöna’dejjaicho dea.

MAADOCO 1:16

Caadideea cu’jäi jacääcä töötädaawä Jesuuquidiito cöneejodöi Simón, tacoono Antedé acä. Jaji emaajätöödöje cönä’ja’to na’cwaca, na’cwacancomo i’yännamooje töweijäcäiñe.

MAADOCO 1:19

Mänseedä’cä Jesuuquidiito wöta’jäcä Jacoowo daja cöneejodöi yaawä, Seewedheeo nnedö, dhacoono Juan mmaja. Cudiiyada awä cönä’ja’to töjaajiyööcomo coneecadööje.

DUUCA 5:1

Jeneesade cu’jäi jawä Jesuuquidiito weichö, jooje soto cönä’döicho yöiña, Wanaadi a’deddu eta’se töweijäcäiñe. Tönwanno Jesuuquidiito cönanwacö’ja’to, yeichojo ’je’da tödööene.

DUUCA 5:3

Jesuuquidiito cönä’täi yää cudiiyada aca, Simón cudiiyadai aca. Simón wwä joojede’da’cä cudiiyada cönaadimaajoi annaca. Cönaatajiimai yaawä. Dhacanno soto cönoowanooma’to yaawä.

JUAN 1:40

Tooni Juan wa’deuwödö etaanei’jödö cönä’jaacä Antedé, Simón Peedhodo acoono. Ñäädä Antedé cönä’jaacä Jesuuquidiito jadoono wötä’jödö.