DUUCA 5:17 - Wanaadi A'deddu

¹⁷ Aneedawä anooto awä Jesuuquidiito cönä’jaacä owaanomaadöje. Yäätä cönä’ja’to jaadiseeo wataajima’como, judhío owaanomannamo mmaja, tameedä Caadideea ñano jataawoncomo we’a’como, Judheea ñano jataawoncomo we’a’como mmaja, Jeduusadén ñancomo we’a’como mmaja. Wanaadi jäduudu ’je Jesuuquidiito cönä’jaacä yaawä, soto adoncatoojo.

DUUCA 5:17 ပူးပေါင်းရင်းမြစ်များ

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 15:1

Yaawä Jesuuquidiito döiña cöneejoto anejjacoomo jaadiseeo, judhío owaanomannamo mmaja, Jeduusadén ñancomo we’a’como. Tönwanno cönä’döa’to:

MAADOCO 1:45

Yääje Jesuuquidiito wä’dö’jödö weichaame ñäädä dhanwa cöneecammajäätöi tameedä soto wwäiñe. Yääje yeijäcä soto neneedöcoomoje Jesuuquidiito täjai’cha cönä’jaacä jataaca. Jata tö’cäcä mmaane töwäämannä’e cönä’jaacä, soto ’jemjönö ai. Yääje yeichaame tameedä jata waadoinchomo töötä dea cönä’ja’to yöiña.

MAADOCO 16:18

Äcääyu annä’a’jäcä, jönaatamoi enga’jäcä jeiñe mma, ääma’da naato’de. Tönwanno tamäädöcoomo nödööaato’de cädäija’como de’cäcäiñe; ñanno naadoncaato’de yaawä; quee cönä’döaacä Jesuuquidiito tönoowanoomadö wwäiñe.

MAADOCO 3:22

Judhío owaanomannamo, ñanno Jeduusadén ñancomo we’a’como, cönä’döa’to: —Weesewú ’je määdhä na, ñäädä odo’sha edhaajotoncomo. Ñäädä jäduuduje odo’shancomo tömja’canö’jo weneene; quee cönä’döa’to.

MAADOCO 5:30

Jesuuquidiito dhowaanäcä cönä’jaacä töjäädudu weja’cadö. Töwö cönä’jedennacai soto wwadäädäiñe; cönä’döaacä: —¿Änääcö woomö najoojoi? quee.

MAADOCO 7:1

Yaawä Jesuuquidiito döiña jaadiseeo cöneejoto, anejjacoomo judhío owaanomannamo mmaja, Jeduusadén ñancomo we’a’como.

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 2:46

Aaduwaawä anoototo ai cöneedantoicho yaawä Wanaadi weichojo taca, owaanomannamo jadäiñe yaatajiimaajä, ñeecammajäätödööcomo etaajätöödöje, ecamma’jojäätödööcomooje mmaja.

DUUCA 5:21

Yääje mma yaawä ñanno judhío owaanomannamo, jaadiseeocoomo mmaja, cöntö’tajä’a’to: “ ¿Änääcöömä mä’dä, mädä wa’cä cone’da na’deuwanä Wanaadi jäcä? Anejja conemjönö encwanno’jojai’cha na, Wanaadi mmaane;” quee cöntö’tajä’a’to.

DUUCA 5:30

Yaawä jaadiseeocoomo, judhío owaanomannamo mmaja, ñanno jaadiseeoje mmaja cönä’ja’todö, Jesuuquidiito nowaanomaadö jäcäiñe cönenta’me’ca’to; cönä’döa’to: —¿Ane’que’nei mmaja määwashinchaato dea acu’shänä jödaatai i’jummannamo jadäiñe, conemjönö dönnamo jadäiñe mmaja? quee cönä’döa’to.

DUUCA 6:19

Tameedä ñanno jooja’como soto Jesuuquidiito ajoojo’se cönä’ja’to, ijäädudu töweeja’ca yeijäcä, tameedä yaadoncato’comooje.

DUUCA 7:30

Jaadiseeocoomo mmaane, judhío owaanomannamo mmaja, Juan wwä wautisaaje ä’döjo’jöncomo, Wanaadi wwä töwäätuujadööcomo cönquiiñemeecöicho.

DUUCA 8:46

Jesuuquidiito cönä’döaacä: —Töweiye dajaane na yaajojoonei’jödö. Jäädudu weja’cadö dajaane yaajojoi; quee cönä’döaacä.

JUAN 3:10

Jesuuquidiito cönä’döaacä chäwwä: —¿Iisadaaediita owaanomaaneichomo tacaadatooje aweichaame mädä odhoowanääcä’da nai?

JUAN 3:21

Chäänönge tödöönei mmaane töwe’e tawaanato wwadäädä, Wanaadi woije iiñödö weichö tacaade yä’dödö wetä; quee cönä’döaacä Jesuuquidiito Niicodheemo wwä.

DOSECHO 19:11

Wanaadi jooje aashichaato tönnöjo cönä’jaacä Paudo wwä.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOSECHO 5:34

Yaawä äcamma’jonnamo antawäiñe cönä’jaacä jaadiseeo, Camaadiyeede täätö. Töwaanojo’ne töwö cönä’jaacä jenaado’jä waanontänä owaanomaadö jäcä. Tameedä soto tönoiñe töneene cönä’ja’to. Ñäädä Camaadiyeede cönammöi yaawä; anonta’como jödo’na cömja’canö’joicho a’dhe.