DUUCA 4:41 - Wanaadi A'deddu

⁴¹ Jooje odo’shancomo mmaja cöneeja’caicho soto acannoiñe, töcä’tömjä’ancädäiñe: —Wanaadi nnedö amäadä; quee töwä’döancädäiñe. Töwö Jesuuquidiito cöneeta’jöichaja’to; ana’deujotäiñe’da cönä’jaacä, dhowaanäcäiñe töweijäcä Äwaanacaaneije töweichö.

DUUCA 4:41 ပူးပေါင်းရင်းမြစ်များ

MATEO 26:63

Äucwätä’da cönä’jaacä Jesuuquidiito. Yaawä Wanaadi wwä töwa’deuwaamo edhaajotoncomo cönä’döaacä chäwwä: —Ääcammacä eduuwa, Wanaadi nudooto netaadöje. ¿Ñäädä ca amäädä, Äwaanacaanei, Wanaadi nnedö? quee.

MATEO 4:3

Yaawä chäwwadäädä cöneejä odo’sha, yuunaca; cönä’döaacä chäwwä: —Wanaadi nnedö neeneje aweiya’jäcä, uuje amoode’näcä edä täju; que cönä’döaacä odo’sha.

MATEO 8:16

Yaawä cho’momöödawä Jesuuquidiito döiña soto cönnejooto odo’sha ’ja’como. Töwö cömja’canö’joicho odo’shancomo tooniye töwa’deuwö’jödö que mma. Tameedä cädäija’como mmaja cönaadoncaicho dea.

MATEO 8:29

Tönwanno töcä’de cöna’deuwa’to Jesuuquidiito wwä; cönä’döa’to: —¿Ane’cotoojo ñaa maquiimaanä, amäädä Jesuuquidiito, Wanaadi nnedö? ¿Ñaa mamincha ca meejä chu’nädö aca ä’dö’dadä mmädä? quee cönä’döa’to.

MATEO 8:4

Yaawä Jesuuquidiito cönä’döaacä chäwwä: —Eneecä’ma, soto wwäiñe maneecammajäätöi’che mädä; Wanaadi wwono wa’deuwödö wwä mmaane äänejoota. Moisé necamma’jödö nönge Wanaadi wwä tu’emö änu’cä’de, soto dhowaanäcäiñe yeichö wetä yaawä töwääjichö’tä aweichö; quee cönä’döaacä Jesuuquidiito.

MAADOCO 1:25

Jesuuquidiito odo’sha cöneeta’jöichajoi yaawä; cönä’döaacä chäwwä: —Äucwätä’da eichä; adheeja’cacä dhacanno; quee cönä’döaacä.

MAADOCO 1:32

Yaawä cho’momöödawä, tööje yä’döa’jäcä, Jesuuquidiito döiña soto cönne’a’to tameedä cädäija’como, odo’sha ’ja’como mmaja.

MAADOCO 1:34

Töwö Jesuuquidiito cönaadoncaicho jooje cädäija’como, anejjeja’como chäädäichöcoomo. Jooje odo’shancomo mmaja cömja’canö’joicho dea. Töwö odo’shancomo ana’deujotäiñe’da cönä’jaacä, dhowaanäcäiñe töweijäcä.

MAADOCO 3:11

Odo’shancomo wwä Jesuuquidiito eneea’jäcä tönwanno tä’mudhe töwä’döe töweiye cönä’ja’to ije’taca. Töca’tömjä’e töweiye cönä’ja’to: —Wanaadi nnedö amäädä; quee.

DUUCA 4:39

Töwö Jesuuquidiito cädäijato ejoodhe cönootommoi yaawä; wedööcö cöneedennanö’joi. Yaawä dea mma eccö’da cönä’döi Peedhodo wo’jödö. Töwö cönammöi yaawä chääwanshiñööcomo ejoodödö wetä.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

SANTIYAACO 2:19

Amäädä chäänönge mecaanö’a tooni Wanaadi weichö; odo’shancomo mmaja mädääje necaanö’aato dea, tötäätä’nöngancädäiñe.