DUUCA 4:40 - Wanaadi A'deddu

⁴⁰ Yaawä cho’momöödawä tameedä cädäija’como cönnejooto Jesuuquidiito wwadäädä, tameedä anejjeja’como chäädäichöcoomo. Jesuuquidiito cönaadoncaicho tameedäädä, ye’wäiñe tamäädö tödöödö que.

DUUCA 4:40 ပူးပေါင်းရင်းမြစ်များ

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 14:13

Yää eta’jäcä töwwä Jesuuquidiito cöntämä töjääcäjeene, cudiiyada awä, soto ’jemjönö aca. Yääje mma yaawä iichä’jödö eta’jäcä soto wwäiñe, inchäcä cöntonto yaawä macääcä, töjaatawonnoiñe.

MAADOCO 3:10

Jooje soto adonca’jocoomo weijäcä Jesuuquidiito wwä tameedä cädäija’como töwaatadiimajä’ene chäwwadäädä töötä cönä’ja’to, ajoojodö wetä.

MAADOCO 5:23

Töwö wentumje cöna’deuwacä Jesuuquidiito wwä; cönä’döaacä: —Önnedö wodi’chä wäämanääje nai. Ma’che, adhaamädö ye’wä mödöiye, aadoncaiye; ääma’da eiye yaawä; quee Jaido cönä’döaacä Jesuuquidiito wwä.

MAADOCO 6:5

Yäätä täneemö tödööjai’cha töwö cönä’jaacä. Äächädä mma cädäija’como cönaadoncaicho, tamäädö ye’wäiñe tödöödö que.

DOSECHO 19:12

Ñanno soto tönaadä cönä’ja’to Paudo ajoojo’jödö jaiñuweeda, camiisha mmaja. Yää que cädäija’como tönaadonca cönä’ja’to; odo’shancomo töweeja’ca cönä’ja’to dhacannoiñe.

DOSECHO 5:15

Ñanno soto cädäija’como tömja’ca cönä’ja’to jödo’na; ääma taawä tönnöe cönä’ja’to chä’wötööcomo jo, Peedhodo owaajo, yeeja’dätäädawä chääcato ajoojodö wetä.