DUUCA 4:23 - Wanaadi A'deddu

²³ Yaawä Jesuuquidiito cönä’döaacä chäwwäiñe: —Yoowanääcä edääje öwwä äwä’dö’seiñe aweichöcoomo: “Äjiichö’tänei, äwwäädä ääjichö’täcä. Tameedä Cajeedamu ña ännö’jödö ñaa cöneetaichö nönge tödööcäde eetä ajaatawä;” quee äwä’dö’seiñe aweichöcoomo yoowanääcä na; quee cönä’döaacä Jesuuquidiito.

DUUCA 4:23 ပူးပေါင်းရင်းမြစ်များ

MATEO 13:54

Töjaatacäi töwä’döa’jäcä töwö soto cönoowanooma’to judhío we’jummato’como taca. Tönwanno cönääcatoncaicho; cönä’döa’to: —Äsha mä’dä cönoowanoomai, mädä wa’cä töseedujä’ne töweichö wetä? ¿Äsha mädä wa’cä töjäädudu cöneejodöi täneemö tödöötojo?

MATEO 4:13

Naasade ña ejaata’tä’da cöneiyacä, Cajeedamu ñaane. Yää jata cönä’jaacä chu’jä jawä, Saawudón nonoodö’jödö de’wä, Neutadí nonoodö’jödö jäcä amoinche’da.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MAADOCO 6:1

Yääje mma yaawä Jesuuquidiito cönääma’täi yäätonno; töjaatacäi cönennacai. Ñoowanoomadö chääjadä cöntonto.

DUUCA 2:39

Yaawä tameedä Cajiichaana waanontä’jödö tödöödö’jo José cönennacaicho yaawä Caadideea ña. Töjaatacäiñe cönä’döicho yaawä, Naasade ña.

DUUCA 2:51

Chääjadäiñe Jesuuquidiito cönennacai yaawä Naasade ña. Yoijeiñe töweiye cönä’jaacä. Yeenö chö’taqueejö’da cönä’jaacä tameedä yää jäcä.

DUUCA 4:16

Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.

DUUCA 4:31

Yaaje mma yaawä Jesuuquidiito cöntämä Cajeedamu ña, Caadideea ñano jataaca. Yäätä töwö soto cönoowanooma’to wäädeetatoojo anooto awä.

DUUCA 4:35

Jesuuquidiito odo’sha cöneeta’jöichajoi yaawä; cönä’döaacä chäwwä: —Äucwätä’da eichä; adheeja’cacä dhacanno; quee cönä’döaacä. Yaawä odo’sha ñäädä dhanwa nono jo cöneemajjoi tameedä ñeenedööcomooje. Dhacanno cöneeja’cai yaawä etuunui’chädööjo’da mma.

DUUCA 6:42

¿Aaquene yääje mä’dödö deaade’ aweichacoono wwä: “Weichacoono, äwämmamö’jödö’cä wu’ca’ñojo;” quee, adai’jä yeichaame amäädä äwämmamö’jödö? Yääjönö wa’coto wäänejoodö amäädä. Äwämmamö’jödö adai’joto u’cacä awa’de, aashichaane meneiye yaawä aweichacoono wämmamö’jödö’cä u’cadö wetä.

JUAN 4:28

Yää ’jeje ñäädä wodi tutuucudiiyö cönnämäi; jataaca cöntämä. Töwö cönä’döaacä soto wwäiñe:

2 CODINTIYO 5:16

Yääje yeijäcä yäänedö que mma soto aneene’ma’da ñaa weneene. Jenaadä Quidiito yäänedö que mma töneene’ma ñaa cönä’ja’dö’je; yääje’daane eduuwa.