DUUCA 4:16 - Wanaadi A'deddu

¹⁶ Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.

DUUCA 4:16 ပူးပေါင်းရင်းမြစ်များ

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

DUUCA 2:39

Yaawä tameedä Cajiichaana waanontä’jödö tödöödö’jo José cönennacaicho yaawä Caadideea ña. Töjaatacäiñe cönä’döicho yaawä, Naasade ña.

DUUCA 2:42

Amoojadooto de’wä aacä wedu Jesuuquidiito weichö tönwanno cöntonto Jeduusadén ña, töweichöcoomo nöngeedä.

DUUCA 2:51

Chääjadäiñe Jesuuquidiito cönennacai yaawä Naasade ña. Yoijeiñe töweiye cönä’jaacä. Yeenö chö’taqueejö’da cönä’jaacä tameedä yää jäcä.

DUUCA 4:15

Soto tönoowanoomaiñe töweiye cönä’jaacä judhío we’jummato’como waadäi. Tameedä soto aashicha töwa’deuwe cönä’ja’to chääjäcä.

DUUCA 4:17

Tönwanno cuntuicho chäwwä Wanaadi a’deddu ecammanei Isaía nimennä’jödö. Yää jajeeda a’ducaadö’jo, edä imennaajä Jesuuquidiito cöneedantäi,

DUUCA 4:21

Töwö cönaajäntäi yaawä töwa’deuwödö chäwwäiñe: —Edä anooto awä mädä imennaajä nönge neja’dätäi aneenedööcomooje; quee cönä’döaacä.

DUUCA 4:23

Yaawä Jesuuquidiito cönä’döaacä chäwwäiñe: —Yoowanääcä edääje öwwä äwä’dö’seiñe aweichöcoomo: “Äjiichö’tänei, äwwäädä ääjichö’täcä. Tameedä Cajeedamu ña ännö’jödö ñaa cöneetaichö nönge tödööcäde eetä ajaatawä;” quee äwä’dö’seiñe aweichöcoomo yoowanääcä na; quee cönä’döaacä Jesuuquidiito.

JUAN 18:20

Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

DOSECHO 17:2

Yaawä töweichö nöngeedä Paudo cöntämä we’jummatoojo taca. Aaduwaawä semaana töwö cöneecammajäätöi chäwwäiñe, wäädeetatoojo anooto waadäi.