DUUCA 4:15 - Wanaadi A'deddu

¹⁵ Soto tönoowanoomaiñe töweiye cönä’jaacä judhío we’jummato’como waadäi. Tameedä soto aashicha töwa’deuwe cönä’ja’to chääjäcä.

DUUCA 4:15 ပူးပေါင်းရင်းမြစ်များ

MATEO 13:54

Töjaatacäi töwä’döa’jäcä töwö soto cönoowanooma’to judhío we’jummato’como taca. Tönwanno cönääcatoncaicho; cönä’döa’to: —Äsha mä’dä cönoowanoomai, mädä wa’cä töseedujä’ne töweichö wetä? ¿Äsha mädä wa’cä töjäädudu cöneejodöi täneemö tödöötojo?

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 9:35

Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

MAADOCO 1:27

Tameedä soto cönääcatoncaicho yaawä. Tönwannoje dea cönä’döa’to: —¿Aaqueneeto mädä? ¿Ane’cäämö nöngato wätunnä mädä? Töwö odo’shancomo jadä’jödöödä nanontaato; tönwanno töneeta dha’deddu; quee cönä’döa’to.

MAADOCO 1:39

Yaawä Jesuuquidiito cönäämannä’acä tameedä Caadideea weichö wadaadäädä, we’jummatoojo taca ecammajä’ancädä, odo’shancomo ija’canö’jancädä mmaja.

MAADOCO 1:45

Yääje Jesuuquidiito wä’dö’jödö weichaame ñäädä dhanwa cöneecammajäätöi tameedä soto wwäiñe. Yääje yeijäcä soto neneedöcoomoje Jesuuquidiito täjai’cha cönä’jaacä jataaca. Jata tö’cäcä mmaane töwäämannä’e cönä’jaacä, soto ’jemjönö ai. Yääje yeichaame tameedä jata waadoinchomo töötä dea cönä’ja’to yöiña.

DUUCA 13:10

Yaawä wäädeetatoojo anooto awä Jesuuquidiito soto cönoowanooma’to we’jummatoojo taca.

DUUCA 4:16

Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.