DUUCA 3:11 - Wanaadi A'deddu

¹¹ Töwö Juan cöneccujä’a’to: —Ñäädä aacono yoomö’tädö, tooni näntu’ñojo a’cato wwä; ñäädä täwanshichaato yaatocaajai ña dea, a’cato wwä utuudu wetä; quee cönä’döaacä.

DUUCA 3:11 ပူးပေါင်းရင်းမြစ်များ

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

DUUCA 11:41

Wanaadi jummadö queene änu’täcä’de yää äwwäiñe naadö; yaawä tameedä amoije’da na’de äwwäiñe.

DUUCA 18:22

Yää eta’jäcä töwwä, Jesuuquidiito cönä’döaacä: —Töweiye dea na tooni äwwä tödööemö. Tameedä äwwono ejeemajoocä, änsomaadö, anaudä’jödö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 19:8

Saqueeo cönammöi yaawä; cönä’döaacä Cädhaajotoncomo wwä: —Cajiichaana, eduuwa önsomaadö annai wu’jä’a’de wentumja’como wwä. Yää soto encu’täjä’ancädäiñe öncana’ca’jödö wiiñaca’de chäwwäiñe, aacäicheeade; quee cönä’döaacä Saqueeo.

JUAN 13:29

Ñäädä Juudha cönä’jaacä töjöödataichomo edhaajäje ñeewaacadööcomo; yääje yeijäcä anejjacoomo cöntö’tajä’a’to äwanshi ejeema anontaatäi jeiñe mma, wentumja’como wwä jödaata u’jaatäi jeiñe mma.

DOSECHO 10:2

Aashichaato töwö cönä’jaacä; Wanaadi tönoiñe töneene, tameedä yä’jimmä’tädö mmaja. Jooje jödaata tunu’e cönä’jaacä wentumja’como wwä; weiñäje Wanaadi wwä töwa’deuwe cönä’ja’dea.

DOSECHO 10:31

Töwö cönä’döaacä öwwä: “Conneediyo, Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 10:4

Töwö Conneediyo tösaadöje yäätäädä amoode cöneene’maacä; cönä’döaacä chäwwä: —¿Ane’cä mädä, Cajiichaana? quee cönä’döaacä. Yaawä ñäädä amoode cönä’döaacä: —Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

1 TIIMOTEO 6:18

Ñanno tönsomaaca’como yäätuujacooto, aashichaato tödöiyeto; aashichaato tödöödö queene ninshomaata’ña’to. Tamääne’da nei’ña’tode, u’coijeene.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

SANTIYAACO 2:14

Jimmä, ¿aaquene aashicha eichöde’ anejja ecamjödö ’je yääcamma’jäcä, aashichaato ännö’da töweichaame? ¿Yää nöngato ecamjödö que ñäädä ääwanaacajai nichö’taanä äwwäiñe?

1 JUAN 3:17

Ñäädä töwwä töweiyato, töweichacoono a’que eneetaame ani’wa’täjöönö, Wanaadi nutuudu wä’jummanä ’je’da na ñäädä wwä.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?