DUUCA 3:1 - Wanaadi A'deddu

¹ Juujatonno wedu Tiweediyo acu’shänääje yeichö, Ponsiyo Pidaato cajiichaanaje cönä’jaacä Judheea ña. Yaawä Edoodhe cajiichaanaje cönä’jaacä Caadideea ña. Dhacoono Jediipe mmaane cajiichaanaje cönä’jaacä Ituudea ña, Tadaaconiite ña mmaja. Disaaniya cajiichaanaje cönä’ja’dea yaawä Aawidiiniya ña.

DUUCA 3:1 ပူးပေါင်းရင်းမြစ်များ

MATEO 14:1

Yääje mma yaawä cajiichaana Edoodhe cöneetaacä Jesuuquidiito ecaadö.

MATEO 14:3

Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.

MATEO 14:6

Yaawä Edoodhe wennu’jödö cu’nädö anootoi’chädö awä tönwanno cönänwa’to. Edoodhía nnedö cönänwaacä ñeenedööcomooje. Edoodhe wacö’je yää cönä’jaacä.

MATEO 22:17

Yääje yeijäcä edääje adheecamma’jo’se ñaa na: ¿Aaquene nichö’taanä äwwä? ¿Aashicha eijai ñai jödaata utuudu acu’shänä wwä, cone’daane? quee cönä’döa’to Jesuuquidiito wwä.

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MAADOCO 6:17

Edoodhe yääje cönä’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo. Töwö Edoodhe ñäädä Edoodhía cönnöi töjiiñamooje.

MAADOCO 6:21

Äcuude yaawä Edoodhía woojo’totoojo cu’nädö cönoojodöi. Töwennu’jödö anootoi’chädö cu’nädö awä Edoodhe tösootoi cönaajä’maicho, suddau edhaajotoncomo mmaja, täneejuca’como Caadideea ñancomo mmaja.

DUUCA 13:31

Yää anooto awä dea anejjacoomo jaadiseeo cönä’döicho Jesuuquidiito döiña; cönä’döa’to chäwwä: —Äjääne eetonno. Edoodhe dajaane adheema’se na; quee.

DUUCA 2:1

Yaawä acu’shänä Awuutu tameedä jata weichö wa’cä soto cömme’cu’täja’to, chäätöcoomo tömennä.

DUUCA 23:24

Yaawä Pidaato imjummadööcomo woije cönnöjoi.

DUUCA 3:19

Acu’shänä Edoodhe mmaja Juan cönwätuujai chea, Edoodhía dö’tä yeijäcä, ñäädä dhacoono Jediipe jiñamo; tameedä anejja conemjönö iiñö’jödö jäcä mmaja cönwätuujai chea.

DUUCA 9:7

Yääje mma yaawä cajiichaana Edoodhe cöneetaacä Jesuuquidiito ecaadö. Jooje tötö’tajä’e cönä’jaacä, edääje anejjacoomo wä’dödööcomo weijäcä: “Juan ñäädä, töwäämaajo jonno yaadoncaajä;” quee yä’dödööcomo weijäcä.

DOSECHO 23:26

“Öwö Cadaudiyo Diisiya wimenna äwwadäädä, amäädä acu’shänä Jeedi, aashichaato. ¿Aashicha jemma manä?

DOSECHO 24:27

Aacä wedu cöneeja’dätäi yaawä; yää ’jeje Poosiyo Jeetu cöneewaacaicho acu’shänääje, Jeedi emeetacaanoje. Ñäädä Jeedi acu’shänääje töweichö jonno töwäätu’cadaawä judhíocoomo a’cwaima’se cönä’jaacä; yääje yeijäcä jedeesojeedä Paudo cönnämäi.

DOSECHO 26:30

Yaawä Paudo wa’deuwö’jeje Aaquidiipa cönammöi, Jeetu mmaja, Weedeniise mmaja, tameedä chääjadoncomo mmaja.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.