DUUCA 24:6 - Wanaadi A'deddu

⁶ A’que na sadä; töwaadonca na. Ätö’tatääcä äwwäiñe yääcamma’jödö jäcä Caadideea ña töweichö dea,

DUUCA 24:6 ပူးပေါင်းရင်းမြစ်များ

MATEO 12:40

Joná cönä’jaacä na’cwacaano wenwaca aaduwaawä anooto, aaduwaawä coijaicho mmaja. Mädääje mmaja Soto nnedö na’de nono aca aaduwaawä anooto, aaduwaawä coijaicho mmaja.

MATEO 16:21

Yaawä Jesuuquidiito cönaajäntäi tönoowanoomadö wwäiñe ecammajäätödö Jeduusadén ña töötotoojo jäcä, iiña inchoncomo wwä töwäätä’maminchajootojo jäcä mmaja, Wanaadi wwä töwä’deuwaamo edhaajotoncomo wwäiñe mmaja, judhío owaanomannamo wwäiñe mmaja. Chäwwäiñe tämaatojo cöneecamma’dea, aaduwaawä anoototo ai töwaadoncatoojo mmaja.

MATEO 27:63

cönä’döa’to chäwwä: —Cajiichaana, tötö’ta ñaa na ñäädä töwä’dunaato wä’dö’jödö nudä töweichö: “Aaduwaawä anoototo ai waadonca’de;” quee yä’dö’jödö.

MATEO 28:6

A’que na sadä; töwaadonca na, äwwäiñe cönääcammaichöje dea. Eneetantäcä’ma chääquejöödö iiñödööcomo wei’jödö.

MAADOCO 16:6

Ñäädä ääjömaanö cönä’döaacä chäwwäiñe: —Määcatoncatäi. Änwanno mujiiyato Jesuuquidiito, Naasade ñano, ñäädä cuduusa jäcä yaatajoijojo’jödö. Töwö töwaadonca na; a’que na sadä. Eneetäcä’ma chääquejöödö iiñö’jocoomo naadö.

MAADOCO 8:31

Yaawä Jesuuquidiito cönaajäntäi tönoowanoomadö wwäiñe ecammajäätödö Soto nnedö wäntunaanö’tojo jäcä. Töwö cöneecamma’dea inchoncomo wwä chiiñeme’tojo, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Soto nnedö wäämatoojo mmaja cöneecamma’dea, aaduwaawä anoototo ai yaadoncatoojo mmaja.

DUUCA 24:34

Ñanno cönä’döa’to aaco’como wwäiñe: —Cädhaajotoncomo naadoncai chämma; Simón wwä näänejoi; quee cönä’döa’to.

DUUCA 24:5

Ñanno wodiiñamo tösaade töweichomjäcä tä’mudhe cönä’döicho, tu’dhe. Yaawä ñanno dhanwaacomo cönä’döa’to chäwwäiñe: —Ane’cotoojo nudooto mujiiyato yä’ja’a’como weichojo aca?

DUUCA 9:22

Töwö cönä’döaacä chäwwäiñe: —Soto nnedö töwäntunaanö’emööje na; töwä’quiiñeme’joomöje na dea inchoncomo wwä, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Tönwanno nemaato’de. Yaawä aaduwaawä anoototo ai töwö naadonca’de; quee cönä’döaacä.

DUUCA 9:44

—Tätaane etaatäcä edä ya’deuwaadö; ätö’taque’täi’che. Soto nnedö nä’tuja’de soto wwäiñe; quee cönä’döaacä.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

2 TEESADOONISENSE 2:5

¿Tötö’ta dea jönca maato yääje dea töneecammajä’e wei’jödö ajaadäiñe weichö?