DUUCA 24:30 - Wanaadi A'deddu

³⁰ Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

DUUCA 24:30 ပူးပေါင်းရင်းမြစ်များ

MATEO 14:19

Yaawä Jesuuquidiito soto cönaajimaajoicho woi ye’wä. Töwö uu cönannäjöi yaawä, yää ijaatoodea i’yaca’jödö, na’cwacaano’ca mmaja, a’nädäncädä. Caju ña ene’mancädä yää äwanshi jäcä cöna’deuwöi yaawä. Yaawä uu cöni’yajäätöi. Tönoowanoomadö wwäiñe cuntui. Ñanno cöneecamoicho yaawä soto wwäiñe.

MATEO 15:36

Yää aacä amoojato i’yaca’jödö cönannäjöi yaawä, na’cwacancomo’cä mmaja. Töwa’deuwödö’jo yää cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

MATEO 26:26

Yaawä töwääwashinchädaawäiñe Jesuuquidiito uu cönannäjöi. Chääjäcä töwa’deuwö’jeje cöni’yajäätöi. Tönoowanoomadö wwäiñe cuntui yaawä; cönä’döaacä: —Edä; täu’täcä. Edä yää yeejö; quee.

MAADOCO 14:22

Yaawä töwääwashinchädaawäiñe Jesuuquidiito uu cönannäjöi. Chääjäcä töwa’deuwö’jeje cöni’yajäätöi. Chäwwäiñe cuntui yaawä; cönä’döaacä: —Edä; täu’täcä. Edä yää yeejö; quee.

MAADOCO 6:41

Jesuuquidiito uu cönannäjöi yaawä, yää ijaatoodea i’yaca’jödö, na’cwacancomo’cä mmaja, a’nädäncädä. Caju ña ene’mancädä yää äwanshi jäcä cöna’deuwöi. Uu cöni’yajäätöi yaawä. Tönoowanoomadö wwäiñe cuntui yaawä soto wwäiñe ecaamodö wetä. Ñanno aaconcomo na’cwacancomo’cä mmaja cöneecamoi chea chääwaadäiñe.

MAADOCO 8:6

Yaawä Jesuuquidiito soto cönaajimaajoicho nono jo. Töwö uu cönannäjöi yaawä, yää aacä amoojato i’yaca’jödö cönä’ja’dö. Chääjäcä töwa’deuwödö’jo cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

DUUCA 22:19

Uu daja cönannäjöi chea yaawä. Chääjäcä töwa’deuwö’jeje, cöni’yajäätöi. Chäwwäiñe cuntui yaawä; cönä’döaacä: —Edä yää yeejö, äjääcäinchädäiñe tu’emö. Edääje tödöötäcä’de jääcä ätö’tato’comooje; quee.

DUUCA 24:29

Tönwanno wejiiñäje tödö’täiñe cönnö’nä’ja’to. —Eetä eichä ñaa dö’tä, mäntä mma oco’momö’no; quee cönä’döa’to. Jesuuquidiito cönoomomöi yaawä chääjadäiñe.

DUUCA 24:35

Yaawä ñanno aaco’como cöneecammajäätöicho yää ääma taawä töjääcäiñe yeeja’dätä’jödö, uu i’yajäätödaawä Jesuuquidiitoje yeichö töwwäiñe edantä’jödö mmaja.

DUUCA 9:16

Jesuuquidiito uu cönannäjöi yaawä, yää ijaatoodea i’yaca’jödö, na’cwacaano’cä mmaja, a’nädäncädä. Caju ña ene’mancädä yää äwanshi jäcä cöna’deuwöi. Uu cöni’yajäätöi yaawä. Tönoowanoomadö wwäiñe cuntui yaawä soto wwäiñe ecaamodö wetä.

JUAN 6:11

Yaawä Jesuuquidiito uu cönannäjöi. Chääjäcä töwa’deuwödö’jo cuntui tönoowanoomadö wwäiñe; ñanno cöneecamoicho yaawä soto wataajima’como wwäiñe. Yääje mmaja cönnöi chea na’cwacancomo, imjummadööcomo wa’cä.

DOSECHO 2:42

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 27:35

Yääje töwa’deuwö’jeje Paudo uu cönannäjöi; Wanaadi wwä cöna’deuwöi chääjäcä tameedä ñeetadööcomooje. Yaawä i’yacaadö’jo cönaajäntäi töwääwashinchädö.