7 Cajiichaana Edoodhe nonoodö de’wonooje Jesuuquidiito weichö eta’jäcä töwwä, chäwwadäädä cönaadojoi yaawä, yää anooto awä Edoodhe Jeduusadén ña yei’jödö weijäcä.
Yääje mma yaawä cajiichaana Edoodhe cöneetaacä Jesuuquidiito ecaadö.
Edoodhe yääje cöna’döaacä töwwä Juan jedeesoje tödööjo’jödö weijäcä, cadheena que imiijo’jödö weijäcä mmaja. Töwö yääje cönnöi Edoodhía woije, ñäädä tacoono Jediipe jiñamo.
Yaawä Edoodhe wennu’jödö cu’nädö anootoi’chädö awä tönwanno cönänwa’to. Edoodhía nnedö cönänwaacä ñeenedööcomooje. Edoodhe wacö’je yää cönä’jaacä.
Yääje mma yaawä cajiichaana Edoodhe cöneetaacä Jesuuquidiito ecaadö, tameedä yeichö wa’cä tacaade yä’dö’jödö weijäcä. Töwö Edoodhe cönä’döaacä: —Juan Wautiita ñäädä, töwäämaajo jonno yaadoncaajä. Yääje yeijäcä jooje täneemö tönnöe weneene; quee cönä’döaacä.
Yää anooto awä dea anejjacoomo jaadiseeo cönä’döicho Jesuuquidiito döiña; cönä’döa’to chäwwä: —Äjääne eetonno. Edoodhe dajaane adheema’se na; quee.
Yää eta’jäcä Pidaato wwä, töwö soto cöneecamma’joicho Caadideea ñanooje Jesuuquidiito weichö jäcä.
Juujatonno wedu Tiweediyo acu’shänääje yeichö, Ponsiyo Pidaato cajiichaanaje cönä’jaacä Judheea ña. Yaawä Edoodhe cajiichaanaje cönä’jaacä Caadideea ña. Dhacoono Jediipe mmaane cajiichaanaje cönä’jaacä Ituudea ña, Tadaaconiite ña mmaja. Disaaniya cajiichaanaje cönä’ja’dea yaawä Aawidiiniya ña.
Yääje mma yaawä cajiichaana Edoodhe cöneetaacä Jesuuquidiito ecaadö. Jooje tötö’tajä’e cönä’jaacä, edääje anejjacoomo wä’dödööcomo weijäcä: “Juan ñäädä, töwäämaajo jonno yaadoncaajä;” quee yä’dödööcomo weijäcä.
“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.