DUUCA 23:5 - Wanaadi A'deddu

⁵ Tönwanno jooje’cä mma cöna’deuwa’to yaawä; cönä’döa’to: —Tameedä Judheea ñancomo töni’jedäiñe weneene töwwä owaanomaadö que, Caadideea ña yaajäntä’jödö sadä tödööene; quee cönä’döa’to ñanno Wanaadi wwä töwa’deuwaamo edhaajotoncomo.

DUUCA 23:5 ပူးပေါင်းရင်းမြစ်များ

MATEO 11:1

Ñanno amoojadooto de’wä aaco’como tönoowanoomadö wätuujadööcomo jäcä töwä’cä’jäcä, Jesuuquidiito cöntämä yäätonno judhíocoomo jataacäi, Wanaadi a’deddu ecammajä’e, soto owaanomaiñe mmaja.

MATEO 2:1

Wedén ña Jesuuquidiito cönennui, Judheea nonoodö de’wono jataawä, Edoodhe yää jata cajiichaanai’chädööje yeichö. Yaawä jöwaiñamo cöneejoto shii weja’catoojo dö’senno. Jeduusadén ña cönä’döicho.

MATEO 27:24

Pidaato dhowaanäcä cönä’jaacä yaawä soto e’jodheinchäjai’chaiñe töweichö. Jooje’cä mma soto wewoodoichadööcomo cöneeneaacä. Yääje yeijäcä töwö tuna cöne’catäi. Ñeenedööcomooje cönänwatöi; cönä’döaacä: —Öwö woijemjönö mädä määdhä aashichaato emaadö; änwanno owoija’comoone; quee cönä’döaacä.

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MAADOCO 1:14

Yääje mma yaawä jedeesoje Juan wä’döja’jäcä, Jesuuquidiito cöntämä Caadideea ña, aashichaato wätunnä ecammajä’ancädä Wanaadi töcaajichaanaije tödöödö jäcä.

DUUCA 11:53

Yääje ya’deuwö’jeje, ñanno judhío owaanomannamo, jaadiseeocoomo mmaja cönäätömaicho jooje. Ecamma’jojäätödö que cönaaquiima’to yaawä.

DUUCA 23:23

Tönwanno töcä’de cöncä’tömjä’a’to yaawä; cuduusa jäcä cönaajoijoja’to. Yääje töcä’tömjätöödöcoomo que tumjummadööcomo cöneejodöicho ñanno soto, Wanaadi wwä töwa’deuwaamo edhaajotoncomo mmaja.

DUUCA 23:6

Yää eta’jäcä Pidaato wwä, töwö soto cöneecamma’joicho Caadideea ñanooje Jesuuquidiito weichö jäcä.

JUAN 1:43

Yää jenamma naadöje Jesuuquidiito töötä’se cönä’jaacä Caadideea ña. Töwö Jediipe cöneedantäi; cönä’döaacä chäwwä: —Jaadä eichä; quee.

JUAN 19:15

Tönwanno cöncä’tömjä’a’to yaawä: —Emaajocä; emaajocä. Cuduusa jäcä ajoijojoocä; quee. Yaawä Pidaato cönä’döaacä chäwwäiñe: —¿Aaquene mmaja acaajichaanaichomo mmädä cuduusa jäcä wanaajoijojoodö deeade’ ? quee cönä’döaacä. Ñanno Wanaadi wwä töwa’deuwaamo edhaajotoncomo cöneccujä’a’to yaawä: —Anejja ñaa cajiichaanaije’da na, ñäädä acu’shänä mma; quee cönä’döa’to.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 7:41

Anejjacoomo ’quene cönä’döa’to: —Ñäädä määdhä Äwaanacaanei; quee. Anejjacoomo mmaane cönä’döa’to: —¿Aaquene mmaja Caadideea ñanooje Äwaanacaanei eichöde’ ?

JUAN 7:52

Yaawä tönwanno cönä’döa’to chäwwä: —¿Caadideea ñano ca amäädä dea? Oowanoomacä’ma Wanaadi a’deddu imennaajä jäcä, odhoowanääcä mödöiye yaawä Caadideea ñanno’da Wanaadi wa’deuwödö ecammanei we’tojo weichö; quee cönä’döa’to Niicodheemo wwä.

DOSECHO 10:37

Änwanno odhoowanääcäiñe na tameedä judhío jataadöcoomo waadäi cöneeja’dätäichö, yää Caadideea ña awa’deene cönaajäntäichö Juan wwä ecammajäätö’jeje, wautisaaje soto tödö’jejeiñe mmaja.

DOSECHO 23:10

Jooje’cä yaawä cönäätäccujä’a’to; yääje yeijäcä ñäädä suddau edhaajotoncomo tösaade cönä’jaacä, Paudo ajääcä’jä’aatäi chäwwäiñe. Yääje yeijäcä töwö suddau cönaanontäi yaawä soto antawonnoiñe Paudo u’cadö wetä, waadiya weicho’como taca adäädö wetä yaawä.

DOSECHO 5:33

Yää eta’jäcä ñanno wwäiñe jooje cönäätömaicho yaawä, anonta’como ema’seiñe tödööene.

DOSECHO 7:54

Yääje ya’deuwödö eta’jäcä chäwwäiñe, ñanno cajiichaanacoomo, Wanaadi wwä töwa’deuwaamo mmaja, cönäätömaicho yaawä; jooje cone’da cönä’ja’to Eteewa jäcä.

DOSECHO 7:57

Yaawä ñanno soto töjaanadööcomo cöna’duicho; töcä’tömjä’ancädäiñe cöneeca’tömöicho Eteewa wwadäädä, ajäichö wetä.