DUUCA 23:2 - Wanaadi A'deddu

² Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

DUUCA 23:2 ပူးပေါင်းရင်းမြစ်များ

MATEO 17:27

Yääje yeichaame, cone’da yeichöcoomo queiñe, chu’jä aca o’täta. Ñäädä awa’deeto ono’tädö inchajoocä’de, jödaata adai’joto medantäiye inchaca. Yää jödaata u’ta’de yaawä ädö’sennotooje, öwö dö’sennotooje mmaja, Wanaadi weichojo choonecaatojooje; quee cönä’döaacä Jesuuquidiito Ceedhodo wwä.

MATEO 22:21

Tönwanno cönä’döa’to: —Acu’shänä imennaajä mä’dä, töwö chäätö mmaja. Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chäwwono. Wanaadi wwono mmaane Wanaadi wwä u’täcä; quee cönä’döaacä Jesuuquidiito.

MATEO 27:11

Yaawä Jesuuquidiito cönä’jaacä acu’shänä je’taca. Ñäädä cöneecamma’joi: —Judhío cajiichaanaichomo amäädä? quee cönä’döaacä. —Ee, ñäädä öwö, mecammaadö; quee cönä’döaacä Jesuuquidiito.

MAADOCO 12:17

Yaawä Jesuuquidiito cönä’döaacä chäwwäiñe: —Acu’shänä wwä u’täcä töwö chowwono. Wanaadi wwono mmaane Wanaadi wwä u’täcä; quee cönä’döaacä Jesuuquidiito. Tönwanno cöneeta’jöjäätöicho yaawä Jesuuquidiito wa’deuwödö eta’jäcä.

MAADOCO 15:2

Yaawä Pidaato Jesuuquidiito cöneecamma’joi: —¿Judhío Cajiichaanaichomo amäädä? quee cönä’döaacä. Jesuuquidiito cöneccujä’acä; cönä’döaacä chäwwä: —Ee, öwö ñäädä; quee.

DUUCA 23:14

Töwö cönä’döaacä chäwwäiñe: —Änwanno määdhä mene’to öwwadäädä soto i’jedääneichomooje e’tancädä. Öwö wecamma’jojäätöi aneetadööcomooje. Aneejodö’da weiya conemjönö iiñö’jödö, mementaatoodöje’da.

DUUCA 23:5

Tönwanno jooje’cä mma cöna’deuwa’to yaawä; cönä’döa’to: —Tameedä Judheea ñancomo töni’jedäiñe weneene töwwä owaanomaadö que, Caadideea ña yaajäntä’jödö sadä tödööene; quee cönä’döa’to ñanno Wanaadi wwä töwa’deuwaamo edhaajotoncomo.

JUAN 18:29

Yaawä Pidaato cöneeja’cai jödo’na, ñanno judhío omomjöncomo’jödö döiñaiñe. Töwö cönä’döaacä chäwwäiñe: —¿Ane’cäämö jäcäinchädä määdhä dhanwa mene’to öwwadäädä? quee cönä’döaacä.

JUAN 18:30

Tönwanno cöneccujä’a’to: —Conemjönö tödööneijönö ei’jo äntu’da ñaa eichö äwwä; quee cönä’döa’to.

JUAN 19:12

Yäätonno Pidaato cöntö’tajäätöi u’ca’se, töwäädä judhíocoomo jooje cöncä’tömjä’a’tone’ yaawä. Tönwanno cönä’döa’to: —Määdhä äwwä u’ca’jäcä acu’shänä sotoije’da ma yaawä. Ñäädä cajiichaanajaato wätä’tädö acu’shänä tu’dedö ñäädä; quee cönä’döa’to judhíocoomo.

DOSECHO 24:13

Mädä öwö jääcä canno na’deuwaatoodö chäänöngemjönö mädä.

DOSECHO 24:5

Määdhä dhanwa aquimmatä weneene; tameedä yeichö wa’cä judhíocoomo töni’jedäiñe weneene. Töwö dea ñanno naasadeenocoomo edhaajotoncomooje na.

DOMAANO 13:7

Tameedä aneejeque’näjöödöcoomo ejeematääcä. Audaajä jäcä ejeeque’nä’a’jäcä äwwä, ejeemacä, acu’shänä nejeemajoodö mmaja. Ñontätääcä ñäädä tönontäämö; o’jodhe ene’matääcä ñäädä o’jodhaato.