DUUCA 22:41 - Wanaadi A'deddu

⁴¹ Choojonnoiñe cöntämä yaawä amoinche’cä, täju emaadö ’cäwa’cä. Yäätä tä’mudhe cönä’döi; Wanaadi wwä cöna’deuwacä;

DUUCA 22:41 ပူးပေါင်းရင်းမြစ်များ

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

MAADOCO 14:35

Mänseedä’cä cöntämä yaawä; tu’dhe cöneemo’täi nono jo. Wanaadi wwä cöna’deuwacä; cöne’ca’acä töjääcä töweeja’dä’emö weja’do’tojo.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

DUUCA 18:13

Ñäädä acu’shänä jödaatai i’jummanei mmaane amoinche cönä’jaacä; caju wwadäädä ene’se’da’jödö jadäädä. Tu’dhe mma cönä’jaacä. Wentumje cöna’deuwacä; cönä’döaacä: “Amäädä Wanaadi, wentumje cäneecä, öwö conemjönö tödöönei;” quee cönä’döaacä ñäädä acu’shänä jödaatai i’jummanei.

DOSECHO 20:36

Yääje töwa’deuwödö’jo Paudo tä’mudhe cönä’döi yaawä; Wanaadi wwä cöna’deuwöi chääjäcäiñe.

DOSECHO 21:5

Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä.

DOSECHO 7:60

Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOSECHO 9:40

Yaawä Peedhodo cömja’canö’jojäätöicho jödo’na. Tä’mudhe töwö cönä’döi; Wanaadi wwä cöna’deuwöi. Yaawä yäämaajä ene’mancädä cönä’döaacä: —Aanöncä, Tawiita; quee. Ñäädä wodi cönäänushiichai yaawä; Peedhodo eneea’jäcä cönä’jäi yaawä.

EEWEDEO 5:7

Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.