DUUCA 22:22 - Wanaadi A'deddu

²² Soto nnedö nä’döja’de töwä’döjootojo nönge dea. Yaawääne’ wentumje na’de ñäädä Soto nnedö u’nei’jödö; quee cönä’döaacä Jesuuquidiito.

DUUCA 22:22 ပူးပေါင်းရင်းမြစ်များ

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

MATEO 27:5

Yaawä Juudha jödaata cömjajoi Wanaadi weichojo tawä. Cöntämä yaawä töwä’jöncö’cadööje mma.

MAADOCO 14:21

Soto nnedö nä’döja’de töjääcä imennaajä naadöje dea. Yaawääne’, wentumje na’de ñäädä Soto nnedö u’nei’jödö. Ennu’da mmaane eijai yei’jödö; quee cönä’döaacä Jesuuquidiito.

DUUCA 22:23

Yaawä ñoowanoomadö cönaajäntoicho töwwäädäiñe töwäätäcamma’jodööcomo: —¿Änääcö cantawäiñe mädä tödöötai? quee cönä’döa’to.

DUUCA 24:46

Töwö cönä’döaacä chäwwäiñe: —Mädääje Wanaadi a’deddu imennaajä na. Mädääje Äwaanacaanei wäntunaanö’tojo cönä’jaacä, aaduwaawä anoototo ai töwäämaajo jonno yaadoncatoojo mmaja.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

DOSECHO 10:42

Töwö Jesuuquidiito ñaa anontäne soto wwäiñe ecammajä’e soto emmencaneichomooje tödö’jödö yeichö Wanaadi wwä, nudo’como emmencaneichomooje, yä’ja’a’como mmaja.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

2 PEEDHODO 2:3

Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.