DUUCA 22:16 - Wanaadi A'deddu

¹⁶ Öwö yääje wä’döa äwwäiñe, ajaadäiñe Weja’dätä’jä anooto awoono amiiñä’caajä änäänä’da wa’de eduuwa, yää Weja’dätä’jä anooto cu’tädö yä’dödö wa’cä, Wanaadi cajiichaanaje yäänejoodö wa’cä; quee cönä’döaacä Jesuuquidiito.

DUUCA 22:16 ပူးပေါင်းရင်းမြစ်များ

DUUCA 12:37

Ta’cwaiñe eijai ñaato ñanno tädhaajotoncomo wwä edai’chädööja’como woojodööjodööcomo. Chäänönge yääje wä’döa äwwäiñe, töwö chäädhajootoncomo nesoomajä’a’de yaawä. Meesa dö’tä tanoonö najiimajaato’de, töwwä ewanshinchädööcomo wetä.

DUUCA 14:15

Yää eta’jäcä tooni chääjadä cönääwashincha’dö cönä’döaacä Jesuuquidiito wwä: —Ta’cwaiñe na’de ñäädä Wanaadi jataacaiño wääwashinchädö; quee cönä’döaacä.

DUUCA 22:15

Yaawä töwö cönä’döaacä chäwwäiñe: —Jooje tötö’tajä’e wä’jaaquene edä Weja’dätä’jä anootoi’chädö awä ajaadäiñe wääwashinchotoojo jäcä, wäämadö owaajo.

DUUCA 22:18

Yääje wä’döa äwwäiñe, chääjedöödö eccudu aneenö’da wa’de eduuwa Wanaadi cajiichaanaje yäänejoodö wa’cä; quee cönä’döaacä.

DUUCA 22:30

Jaadä määwashinchaato’de yaawä cajiichaanaje weichö; mude de’wä mmaja mataajimaato’dede ñanno Iisadaaeeda weichö cajiichaanaichomooje, ñanno amoojadooto de’wä aaco’como iju’jä naatoodö; quee cönä’döaacä Jesuuquidiito.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

DOSECHO 10:41

Tameedä soto wwäiñe’da mma töwö cönäänejoi, ecammannamooje töweiyaamoje jenaadä Wanaadi neichö wwäiñe dea mmaane. Ñanno ñaa Wanaadi neichö, töwäämaajo jonno yaadonca’jeje Jesuuquidiito jadoono wääwashinchä’jödö.

APOOCADIISI 19:9

Yaawä ñäädä amoode cönä’döaacä öwwä: —Edääje imennäcä: “Ta’cwaiñe eijai ñaato ñanno Oweeja nnedö’cä jötaadawä ääwashinchä a’dejja’como,” quee imennäcä; quee cönä’döaacä amoode. Edääje mmaja cönä’döa’dea öwwä: —Wanaadi a’deddu chäänöngato mädä; quee cönä’döaacä.