DUUCA 22:12 - Wanaadi A'deddu

¹² Yaawä töwö necamma’de äwwäiñe ä’sa adai’joto, taawa de’wä, töcoonecaajä’e. Yäätä cöwääwashinchoto’como choonecaatäcä’de; quee cönä’döaacä Jesuuquidiito.

DUUCA 22:12 ပူးပေါင်းရင်းမြစ်များ

DUUCA 22:11

Edääje caichäcä’de yää maa edhaajä wwä: “Yääje Owaanomaanei äwwä nä’döaanä: ¿Äsha ä’sa nai noowanoomadö jadäiñe Weja’dätä’jä anooto awä wääwashinchotoojo?” quee caichäcä’de chäwwä.

DUUCA 22:13

Ñanno cöntonto yaawä. Tameedä cöneedantoicho Jesuuquidiito necamma’jödö nönge. Yäätä Weja’dätä’jä anootoi’chädö awoono wääwashinchotoojo cönconeecaicho.

JUAN 2:25

Anejja chäwwä ecammajai’cha cönä’jaacä soto weichö, töwö dea dhowaanäcä yeijäcä tameedä soto tö’tajäätödööcomo.

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 20:8

Tönwanno ye’jumma’como cönä’ja’to maa taca, cawä; jooje adhaawa emjannajä’ajä cönä’jaacä yäätä.