DUUCA 21:34 - Wanaadi A'deddu

³⁴ “Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DUUCA 21:34 ပူးပေါင်းရင်းမြစ်များ

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

MAADOCO 4:19

ñanno edä nono de’wono ijummannamo, mösooma ijummadö ca’como wätäncu’tädö. Anejjeja’como jadä’jödöödä tumjumma yaawä tönwanno. Tameedä yää Wanaadi a’deddu na’dua, aashicha aneejannä’ca’da yeichö wetä.

DUUCA 10:41

Jesuuquidiito cöneccujä’acä yaawä; cönä’döaacä: —Amäädä Maadata, jooje deja ataadawaajui jäcä mätäncano’ta dea.

DUUCA 12:40

Chäänönge mmaja änwanno, äädai’chätääcä; Soto nnedö ne’a’de ätö’tajäätödööcomo ’nawä; quee cönä’döaacä Jesuuquidiito.

DUUCA 17:3

Odhoowoinchadäiñe’da eichäcä. “Äjääcä conemjönö todööa’jäcä aweichacoono wwä, yäätuujacä. Yää jonno tötö’tajäätödö sha’dumincha’jäcä chäwwä, choone’nadiiyö encwanno’jocä.

DUUCA 21:35

Cadancwani wätämjayuucadö töweiye naichöje yää anooto na’de tameedä edä nono de’woncomo wwäiñe.

DUUCA 21:8

Jesuuquidiito cönä’döaacä chäwwäiñe: —Odhoowoinchadäiñe’da eichäcä, mätäncu’tojooto’no. Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe; “Chu’nädö aca nä’döi eduuwa;” quee töwä’döancädäiñe mmaja. Dha’dedducoomo mma maneetatäi’che.

DUUCA 8:14

Yää dhadöödö wesooca ’jano de’wä cönä’meichö ’quene, Wanaadi a’deddu etannamo’jödö cu’tädö yää. Yääje töweichöcoomo jonno edä nono de’wono jummadö que nätääwansuudäjaato yaawä, mösooma ijummadö que mmaja. Ejössata’da tönwanno yaawä.

1 CODINTIYO 5:11

Edääjeene wa’dö’se wä’jaaquene yää wimennäneedö: Ñäädä quedeiyentejaato wätä’tädö jadä meichäi’che masuuduije yeiya’jäcä, anejja nödöödö töni’ñeimma yeiya’jäcä mmaja, chu’taajä tumjumma yeiya’jäcä mmaja, wätunnä dha’me yeiya’jäcä jeiñe mma, töwä’dau’cwato yeiya’jäcä jeiñe mma, tämeene jeiñe mma. Yääjato jadä wääwashinchänä’jödö jadäädä tödööemje’da na.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

CAADATA 5:20

chu’taajä jummadö mmaja, jöwaije weiñä mmaja, wä’tu’de’tänä mmaja, wata’deutänä mmaja, wätö’neimmanä mmaja, äätömaacoije weiñä mmaja, töwö mma töwei’she weiñä mmaja, ootowoije’da weiñä mmaja, aata’deucone’da weiñä mmaja,

JIDIIPENSE 4:6

Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

2 PEEDHODO 3:10

Cajiichaana we’tojo anooto ne’a’de yoomocöödö ’nawä, coijai tämeenato weejödö töweiye naichöje. Yaawä caju nataamea’de shoodö töwääta naichö wa’cä. Tameedä caju ña naadö niyaatua’de; nono mmaja niyaatua’dede, tameedä ye’wä naatoodö mmaja.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

APOOCADIISI 3:3

Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.