DUUCA 20:12 - Wanaadi A'deddu

¹² Yää ’jeje audaajä edhaajä aaduwaawädeeto cönaanontäi chea yaawä. Ñäädä mmaja tätuunui’chä cöniiñacaanö’joicho.

DUUCA 20:12 ပူးပေါင်းရင်းမြစ်များ

DUUCA 16:7

Anejja daja töwö cöneecamma’joi chea: “ ¿Amäädä ’na, ä’waasa’cä mejeeque’nä’anä amäädä?” quee. Ñäädä cönä’döaacä: “Ijaatoodea soto saacu äiña wejeeque’nä’a;” quee cönä’döaacä. Ñäädä jödaata edhaajä jajeeda cuntui chäwwä, ñeejeque’näjöödö imennaajä a’täi. “Edä ajaajedai”; quee cönä’döaacä, “aneejeque’näjöödö imennaajä chamjiyaacacä; aacäichea soto mma aneejeque’näjöödö imennäcä;” quee cönä’döaacä.

DUUCA 20:11

Yää ’jeje audaajä edhaajä anejja tanoonö daja cönaanontäi chea yaawä. Ñäädä wwä cone’da cöna’deuwöicho dea ñanno audaajä edai’chännamo; cönaiju’jätöicho dea. Tänwase’da cöniiñacaanö’joicho dea yaawä.

DUUCA 20:13

“Yaawä ñäädä audaajä edhaajä cönä’döaacä: “ ¿Ane’cäämö wödööanä eduuwa? Önnedö umjummadö wanontäiye. Ñäädä eneea’jäcä’da ca ñontäjai ñaichodö jääcä;” quee cönä’döaacä.