DUUCA 2:9 - Wanaadi A'deddu

⁹ Jadheedä chäwwäiñe cönäänejoi yaawä Cajiichaana amoodedö. Ñanno oweeja edhaamo awoodhecääcäiñe tawaane cönä’döi jooje Cajiichaana niweijodö que. Jooje cönääcatoncaicho.

DUUCA 2:9 ပူးပေါင်းရင်းမြစ်များ

MATEO 1:20

E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä: —Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö.

DUUCA 1:28

Ñäädä amoode cönä’döi yaawä Madía döiña; cönä’döaacä chäwwä: —Ta’cwaiñe eijai ma amäädä Madía. Cajiichaana ajaadä na. Wanaadi nutuudu aashichaato äwwä na, anejjacoomo wodiiñamo wwäiñe yeichö e’jodhe; quee cönä’döaacä amoode.

DUUCA 2:8

Yäätä Wedén ñano tö’wä cönä’ja’to oweeja edhaamo. Täcöönöcoomo cöneedai’cha’to woi awä, coijai.

DUUCA 24:4

Tönwanno cönääcatoncaicho yaawä. Yää jäcä a’que chö’tajäätödaawäiñe aacä dhanwaacomo yö’täiñe cönäänejoicho, yoomöcoomo weijotä.

JUAN 12:41

Ñäädä Isaía yääje cömmennäi Jesuuquidiito jäduudu ene’jödö weijäcä töwwä; Jesuuquidiito jäcä cöna’deuwacä.

DOSECHO 12:7

Jadheedä Cajiichaana Jesuuquidiito amoodedö cönäänejoi yaawä; tawaane cönweijoi yaawä jedeeso ewöötö’tädö taca. Ñäädä amoode Peedhodo cönaajojoi yaawä shuudadö jäcä; cönemjacai yaawä; cönä’döaacä chäwwä: —Ma’da’cä ä’jäcä; quee. Yaawä cadheena cönaajämjacai Peedhodo ajäädo jäconno.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 12:21

Yää wa’cä tönoiñe cönä’jaacä, Moisé wwä’jödöödä. Töwö Moisé cönä’döaacä: “Jooje täätä’nönga tösaade weijäcä;” quee cönä’döaacä.

APOOCADIISI 18:1

Yääje mma yaawä anejja amoode daja weneeaquennea, caju ñanno yä’tädö; jooje ijäädudu cönä’jaacä. Nono cönweijaacä tönnataadö que.

APOOCADIISI 20:11

Yaawä weneeaqueene mude adai’joto, tajääde’dato. Ñäädä ye’wä shuucu cönä’ja’dö jonno cönännamjöi nono, caju mmaja; nono weichojo ’je’da cönä’jaacä yaawä, caju weichojo ’je’da mmaja.