DUUCA 2:38 - Wanaadi A'deddu

³⁸ Yaawä dea mma töwö Aana cönoomomöi yöiñaiñe; aashicha cöna’deuwöi Wanaadi wwä. Yää ’jeje soto wwäiñe cöna’deuwacä ñäädä mude’cä’cä jäcä, ñanno Jeduusadén ñancomo wääwanaacato’como yoomo’nnamo wwäiñe.

DUUCA 2:38 ပူးပေါင်းရင်းမြစ်များ

MAADOCO 15:43

José Aadimaatea ñano Pidaato cönnoncai; chäwwadäädä cöntämä Jesuuquidiito equeejödö e’ca’e. Ñäädä José cönä’jaacä täneejucaato, äcamma’jonnamo jimmä, Wanaadi cajiichaanaje yä’dötoojo yoomo’nei mmaja.

DUUCA 1:68

Aashicha wa’deutojooje na töwö Wanaadi, iisadaaediitacoomo Edhaajotoncomo, tösootoi jäcä tötö’tajä’e yeijäcä, cäwaanaca’jocoomo weijäcä mmaja.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 2:36

Wodi mmaja yäätä cönä’ja’dea, Wanaadi wa’deuwödö ecammanei, Aanaje chäätö. Jaanuweeda nnedö cönä’jaacä, Aseede weichö. No’samje töwö cönä’jaacä jooje. Töwö mude’cäje töweichö dea töiñoque cönä’jaacä aacä amoojato wedu.

DUUCA 23:51

Ñäädä cönä’jaacä Wanaadi cajiichaanaje yäänejootojo yoomo’nei. Jesuuquidiito emaadö a’de’tädö ani’wa’tä’da töwö cöneiyacä.

DUUCA 24:21

chäwwä iisadaaediitacoomo ewaanacaatäiñe ñaa cöneecanö’a’dö’je. Aaduwaawä anooto nä’döi eduuwa yää weja’dätä’jödö.

2 CODINTIYO 9:15

Aashicha wa’deutojooje Wanaadi ña, cöwwäiñe ecammatoojo ’jemjönö inchudu naadö jäcäinchädä.

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.