DUUCA 19:12 - Wanaadi A'deddu

¹² Edääje Jesuuquidiito cönä’döaacä: —Dhanwa täneejucaato cönä’jaacä amoinche töötäämö, anejja jataaca, cajiichaanaje ätä’täjo, yää ’jeje töwennacaadö wetä mmaja.

DUUCA 19:12 ပူးပေါင်းရင်းမြစ်များ

MATEO 21:38

Ñäädä iiñedö eneea’jäcä audaajä edai’chännamo wwäiñe, tönwannoje dea cönä’döa’to: “Määdhä ñäädä tumö ca’semjödö töwwä tödöönei. Queematäiye ja, cönaudädööcomooje eiye yaawä edä;” quee cönä’döa’to.

MATEO 28:18

Yaawä Jesuuquidiito yöiñaiñe jeene cöneejä; cöna’deuwöi chäwwäiñe; cönä’döaacä: —Tameedä tödöötojo öwwä tu’e na, caju ña mmaja, edä nono de’wä mmaja.

MAADOCO 12:1

Yaawä Jesuuquidiito cönaajäntäi yö’seeno joi töwa’deuwödö chäwwäiñe; cönä’döaacä: —Dhanwa tönaudäcaato chääjedöödö cönnatö’täi tönaudä’jödö awä; cuncudaadai’chäi yaawä. Chääjedöödö eccucaatojo cönnöi chea. Edai’chänei weichojo cönaamäi chea. “Yaawä anejjacoomo wwäiñe edai’chojoodö’jo anejja nono de’cäi cöntämä.

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

DUUCA 20:9

Yaawä Jesuuquidiito cönaajäntäi yö’seenoje töwa’deuwödö soto wwäiñe. Töwö cönä’döaacä: —Dhanwa tönaudä’jödö aca chääjedöödö cönnatö’täi. Yaawä töweetadaawa’cajaamo wwäiñe cöneedai’chojoi. Anejja nono de’cäi cöntämä yaawä. Iiña numa cönä’jaacä.

DUUCA 24:51

Chääjäcäiñe töwa’deuwö’jeje töwö cönsancwaicho; caju ña cönaatadoojoi yaawä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

1 CODINTIYO 15:25

Töwö Quidiito Cajiichaanaje yeichojo na tameedä chu’de’tännamo dho’cäi tödöödöcoomo wa’cä Wanaadi wwä.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.