DUUCA 18:9 - Wanaadi A'deddu

⁹ Yäätä cönä’ja’to anejjacoomo aashicha’como wääcamjödö, anejjacoomo soto chimmajä’nenaamo. Ñanno netaadöcoomoje Jesuuquidiito cöneecammajäätöi yaawä yö’seeno joi. Töwö cönä’döaacä:

DUUCA 18:9 ပူးပေါင်းရင်းမြစ်များ

DUUCA 10:29

Ñäädä, owaanomannamo jimmä, chäänöngatooje töwäätä’tädööje, cönä’döaacä Jesuuquidiito wwä: —¿Änääcö ñäädä weichacoono?

DUUCA 15:2

Yääje yeijäcä ñanno jaadiseeocoomo, judhío owaanomannamo mmaja, Jesuuquidiito jäcä cönenta’me’ca’to; cönä’döa’to: —Mä’dä conemjönö dönnamo jadä weneene, chääjadäiñe töwääwashinchä mmaja; quee cönä’döa’to.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

DUUCA 19:7

Yää eneedö’jo tameedä soto cönenta’me’ca’to; cönä’döa’to: —Conemjönö tödöönei mmai chaca Jesuuquidiito nääwa’täi; quee.

DUUCA 7:39

Yää eneea’jäcä jaadiseeo wwä, ñäädä ääwashinchä Jesuuquidiito a’dejjanei’jödö wwä, töwö cöntö’tajä’acä: “Wanaadi wa’deuwödö ecammanei ñeeneje määdhä weiya’jäcä, dhowaanäcä eichö määdhä wodi tajoojonei masuuduije yeichö;” quee cöntö’tajä’acä.

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

JUAN 9:28

Yaawä tönwanno cönquiimajä’a’to; cönä’döa’to chäwwä: —Amäädääne ’cännä shootoije ma. Ñaa mmaane Moisé sotoije ñaa na.

JUAN 9:34

Yaawä ñanno judhío cönä’döa’to chäwwä: —¿Amäädä mmädä ñaa mowaanomannea, conemjönö acaano wennuaajä mmädä? quee cönä’döa’to. Töjaadäiñe yeichö jonno cunu’caicho yaawä.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOMAANO 10:3

Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato.

DOMAANO 14:10

¿Ane’cotoojo aweichacoono memmencaanä amäädä? ¿Ane’cotoojo michiiñeme’canä? Tameedä dajaane cä’mencajaato’de Quidiito wwä.

DOMAANO 14:3

Ñäädä tameedä tänäänei chiiñeme’jai’cha na ñäädä änämjönö; ñäädä änämjönö ’quene cone’da a’deujai’cha na dea tänäänei jäcä, Wanaadide tönnedööje tödööeetö’da.

DOMAANO 7:9

Jenaadä waanontänä ’je’da weichö nudooto wa’cä töweiye wä’jaaquene. Yaawä yää waanontänä conemjönö cöneene’ju’joi öwwä; wäämane yaawä.