DUUCA 18:32 - Wanaadi A'deddu

³² Töwö nä’tuja’de judhíojöncomo wwäiñe, tonno’jätöödö wetä chäwwäiñe, töquiiñemeecödö wetä mmaja, täta’däjäätödö wetä mmaja.

DUUCA 18:32 ပူးပေါင်းရင်းမြစ်များ

MATEO 16:21

Yaawä Jesuuquidiito cönaajäntäi tönoowanoomadö wwäiñe ecammajäätödö Jeduusadén ña töötotoojo jäcä, iiña inchoncomo wwä töwäätä’maminchajootojo jäcä mmaja, Wanaadi wwä töwä’deuwaamo edhaajotoncomo wwäiñe mmaja, judhío owaanomannamo wwäiñe mmaja. Chäwwäiñe tämaatojo cöneecamma’dea, aaduwaawä anoototo ai töwaadoncatoojo mmaja.

MATEO 20:19

Judhíojöncomo wwäiñe nu’aato’de yaawä enno’jätöödö wetä chäwwäiñe, aiju’jätöödö wetä mmaja, cuduusa jäcä ajoijodö wetä mmaja. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

MATEO 22:6

Anejjacoomo cönaajoicho ñäädä töwaajä’maamö anoonö; cömmaminchaicho. Cömjajoicho yaawä.

MATEO 26:67

Yaawä ijeedö jäcä Jesuuquidiito cöneeta’doicho; cönaiju’jätöicho dea. Anejjacoomo cömjojeeta’mojä’a’to,

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MAADOCO 14:65

Yaawä anejjacoomo cönaajäntoicho eta’däjäätödö. Ije’dudu’jo cönaiju’jä’a’to edääje töwä’döancädäiñe: —Adhaiju’nei’jödö ene’ju’cä; quee töwä’döancädäiñe. Ñanno suddau cömjojeeta’mojo’a’to.

MAADOCO 15:1

Yaawä tööjanaacadä Wanaadi wwä töwa’deuwaamo edhaajotoncomo cöne’jummaicho inchoncomo jadäiñe, judhío owaanomannamo jadäiñe mmaja, tameedä äcamma’jonnamo jadäiñe mmaja. Tönwanno tömööe Jesuuquidiito cönaadoicho; Pidaato wwä cuntuicho.

DUUCA 18:33

Aiju’jätö’jeje tönwanno nemaato’de yaawä. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

DUUCA 23:1

Yaawä ñanno jooja’como soto cönammöicho, Jesuuquidiito cönaadoicho Pidaato wwadäädä.

DUUCA 23:11

Yaawä Edoodhe, shootoi suddau mmaja, Jesuuquidiito cönquimmajä’a’to. Tönwanno enno’jätöödöje cönwontoicho cajiichaana womö awä. Yaawä Edoodhe cöniiñacaanö’joi chea Pidaato wwadäädä.

DUUCA 23:35

Yäätä soto cönä’ja’to ene’madööje. Cajiichaanaja’como jadä’jödöödä cönenno’jä’a’to; cönä’döa’to: —Anejjacoomo töneewanaacaiñe cönä’jaacä; töwö dea nääwanaaca’ñojo eduuwa, Äwaanacaaneije Wanaadi nanontä’jödööje töweiya’jäcä; quee cönä’döa’to.

JUAN 18:22

Yääje ya’deuwa’jäcä Wanaadi weichojo edai’chänei Jesuuquidiito cömjojeeta’moi; cönä’döaacä chäwwä: —¿Mädääje Wanaadi wwä töwa’deuwaamo edhaajotoncomo meccujä’anä? quee cönä’döaacä.

JUAN 18:28

Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

JUAN 18:30

Tönwanno cöneccujä’a’to: —Conemjönö tödööneijönö ei’jo äntu’da ñaa eichö äwwä; quee cönä’döa’to.

JUAN 18:32

Mädääje chäänönge cönä’döi Jesuuquidiito necamma’jödö töwäämatoojo jäcä.

JUAN 18:35

Pidaato cöneccujä’acä: —¿Judhío ca öwö? Ajimmä dea dajaane ayuutuicho öwwä, Wanaadi wwä töwa’deuwaamo edhaajotoncomo mmaja. ¿Ane’cäämö mödööne? quee cönä’döaacä.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.