DUUCA 18:16 - Wanaadi A'deddu

¹⁶ Yaawä Jesuuquidiito tönoowanoomadö cöna’dejjaicho töwwadäädä; cönä’döaacä: —Neejö’ña’to mudeeshi’chä öwwadäädä; monoowatäätäi. Canno nönga’como ñanno Wanaadi sotoi.

DUUCA 18:16 ပူးပေါင်းရင်းမြစ်များ

MATEO 19:14

Yaawä Jesuuquidiito cönä’döaacä: —Neejö’ña’to mudeeshi’chä öwwadäädä; monoowatäätäi. Canno nönga’como ñanno Wanaadi sotoi; quee cönä’döaacä Jesuuquidiito tönoowanoomadö wwäiñe.

DUUCA 18:15

Mudeeshi’chä jadä’jödöödä soto cönne’a’to Jesuuquidiito wwadäädä, ye’cäcäiñe tamäädö tödöödö wetä chäwwä. Yää eneea’jäcä ñoowanoomadö cömjiiyeme’jä’a’to ñanno mudeeshi’chä edhaamo.

DUUCA 18:17

Chäänönge yääje wä’döa äwwäiñe, ñäädä mude’cä’cä tönnöe naichöje Wanaadi töcaajichaanaije ännöjöönö, Wanaadi sotoije eijai’cha na; quee cönä’döaacä Jesuuquidiito tönoowanoomadö wwäiñe.

DOSECHO 2:39

Änwanno owwoncomooje na yää Wanaadi necamma’jödö, ännacontoncomo wwoncomooje mmaja, tameedä amoincha’como wwoncomooje mmaja, tameedä Cajiichaana Cöwaanadiiyöcoomo na’dejjadööje töweiyaamo wwoncomooje mmaja; quee cönä’döaacä Peedhodo.

1 CODINTIYO 14:20

Jimmä, mude’cä’cä nönge’da ätö’tajä’täcä. Conemjönö tödöödö jäcä mmaane mude’cä’cä nönge eijai maato; tö’tajä’nä jäcä ’quene inchomo nönge eijai maato.

1 CODINTIYO 7:14

Ñäädä aneecanö’jönö ijiiñamo quedeiyenteje yeichö jäcäinchädä Wanaadi wwonooje na; wodi aneecanö’jönö iiño quedeiyenteje yeichö jäcäinchädä Wanaadi wwonooje na dea. Dha’da ei’jo mmaane ännacontoncomo eichöto aneecanö’jöncomo nacontoncomo nönge; yääje’daane naato, Wanaadi wwonoojeene naato.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,