DUUCA 17:30 - Wanaadi A'deddu

³⁰ Mädääje mmaja na’dede yaawä Soto nnedö wäänejoodawä.

DUUCA 17:30 ပူးပေါင်းရင်းမြစ်များ

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

MATEO 24:3

Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MATEO 24:37

“Noé weichawä cönä’ja’döje mmaja na’dede yaawä Soto nnedö we’tojo anooto awä.

MATEO 24:39

Towoinchadäiñe yeichöcoomo tunaamä cöneejä yaawä; tameedä cönä’jajoicho yaawä. Mädääje mmaja na’dede yaawä, Soto nnedö weejödaawä.

MATEO 26:64

Yaawä Jesuuquidiito cönä’döaacä chäwwä: —Ee, ñäädä öwö, mecammaadö. Edääje mmaja wä’döa dea äwwäiñe, äcuude änwanno meneeato’de Soto nnedö weejödö ca’dutu de’wä, Jäduujato nnäcä, yaatajiimaajä, ämu’demjönö dö’se; quee cönä’döaacä Jesuuquidiito.

MAADOCO 13:26

Yaawä Soto nnedö neneeaato’de ca’dutu de’wä yeejödö, jäduuje, tawaanato töjääcä.

DUUCA 17:24

Tameedä täneemö jeene öwö, Soto nnedö, weejödö na’de, tameedä caju yäncucuudu tönaawanaanö’ca töweiye naichöje mmaja.

DUUCA 17:29

Yaawä Sodhooma ñanno Doote weja’ca’jäcä wa’to cönä’mei caju ñanno, acuudajadä dhatu’jödö joccato jadä, tameedä töja’to’comooje.

DUUCA 21:22

Yää na’de wätä’maminchatoojo anootoi’chädö, tameedä imennaajä nonge yä’dödö wetä.

DUUCA 21:27

Yaawä Soto nnedö neneeaato’de ca’dutu de’wä yeejödö, jäduuje, tawaanato töjääcä.

1 CODINTIYO 1:7

Yääje yeijäcä Cajiichaana Jesuuquidiito wäänejoodö miyoomo’catoodö wadaadäädä a’que’da na Wanaadi nutuudu äwwäiñe.

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

CODOOSENSE 3:4

Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

2 TEESADOONISENSE 1:7

Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.