DUUCA 17:16 - Wanaadi A'deddu

¹⁶ Töwö tä’mudhe cönä’döi Jesuuquidiito o’wawä, cönääje’dui yaawä nono wwadäädä; täjiichö’tä’jödö cönwa’deme’cacä. Ñäädä dhanwa cönä’jaacä Samaadiya ñano.

DUUCA 17:16 ပူးပေါင်းရင်းမြစ်များ

MATEO 10:5

Ñanno amoojadooto de’wä aaco’como Jesuuquidiito cönaanontoicho; edääje töwö cönwätuujaicho: —Judhíojöncomo jataacäiñe mma mötäätäi’che. Samaadiya ña mma mötäätäi’chede.

MATEO 2:11

Maa taca cönoomomöicho yaawä. Shiichu’cä cöneenea’to, yeenö Madía enaawä. Tä’mudhe cönä’döicho yaawä shiichu’cä je’taca; cönwa’deme’ca’to. Yaawä töjaatuwaichomo a’ducaadö’jo, aashichaato cunu’jätöicho chäwwä, oodo, juu shimi’jotoojo mmaja, adhaawa täjeeto mmaja.

MAADOCO 5:33

Ñäädä wodi cöntätä’nöngacä tösaadöje; dhowaanäcä cönä’jaacä töwääjichö’tä’jödö. Töwö cöneejä yaawä Jesuuquidiito wwadäädä; tä’mudhe cönä’döi ije’taca. Tameedä cöneecammai chäwwä.

DUUCA 17:17

Yaawä Jesuuquidiito cönä’döaacä: —¿Amoojadä’da ca mä’jaato änwanno yääjichö’ta’como? ¿Äsha naicho ajimmä, ñanno aacäichea amoojato’como?

DUUCA 5:8

Yää eneea’jäcä Simón Peedhodo wwä, töwö tä’mudhe cönä’döi Jesuuquidiito je’taca; cönä’döaacä: —Cösancwacä amäädä Cajiichaana, conemjönö öwö; quee cönä’döaacä.

JUAN 4:9

Yaawä ñäädä wodi Samaadiya ñano cönä’döaacä Jesuuquidiito wwä: —¿Ane’que’nei judhíoje aweichaame tuna me’ca’anä öwwä, Samaadiya ñano wwä mmädä? quee cönä’döaacä. Töwö yääje cönä’döaacä judhíocoomo oojodö’da yeichomjäcä Samaadiya ñancomo jadäiñe.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 8:48

Yaawä judhío cönä’döa’to Jesuuquidiito wwä: —Chäänönge dämma samaaditaanoje adhe’tätä ñaa weneene, odo’sha ’janooje mmaja; quee cönä’döa’to.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

1 CODINTIYO 14:25

Chö’tajäätödö tacaademjönö tacaade nä’döa yaawä; töwö ta’mudhe ä’döjai ña yaawä Wanaadi wwadäädä, ya’demeecödööje. Edääje ä’döjai ña yaawä äjääcäiñe: “Wanaadi chämma ajaadäiñe na;” quee.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 4:10

Yääje ya’deuwödööcomo waadäi, ñanno tooni sotooto de’wä aacäicheea’como inchoncomo tä’mudhe nä’döaato ñäädä mude de’wä shuucu naadö je’taca; niya’deme’caato ñäädä Yeichöödoto. Töcaananaadiyööcomo mude o’wawä tödöödö’jo edääje necanta’ñaato:

APOOCADIISI 5:14

Ñanno aacäicheea’como amoode’na’como cönä’döa’to yaawä: —Mädääje na; quee. Ñanno tooni sotooto de’wä aacäicheea’como inchoncomo tä’mudhe cönä’döicho yaawä; cönwa’deme’ca’to ñäädä Yeichöödoto.