DUUCA 16:9 - Wanaadi A'deddu

⁹ “Yääje wä’döa äwwäiñe, edä nono conemjönö de’wono mösooma que aashichaato tödöötäcä’de ajimmotoncomo jäcä; yää mösooma wataamea’jäcä adha’dejjannamo töweiye yeichö wetä, weichojo töwaatamemjönö ña äwä’döa’comjäcä.

DUUCA 16:9 ပူးပေါင်းရင်းမြစ်များ

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

MATEO 6:19

“Mösooma mani’jummatäi edä nono de’wä. Eetä cödhaucwä tönäu’cwe, töcaamadaata mmaja, tämeena’como töneememme’que mmaja.

MATEO 6:24

“Aacä tädhaajä tödööjai’cha weiña nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña; yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja.

DUUCA 11:41

Wanaadi jummadö queene änu’täcä’de yää äwwäiñe naadö; yaawä tameedä amoije’da na’de äwwäiñe.

DUUCA 12:33

Äwwäiñe naadö u’jä’täcä, chääje’jödö manu’täiye yaawä wentumja’como wwäiñe. Ajöödataichomo ewöötö ännötääcä ijumjäje töwä’döemjönööne. Caju ñanoone onsomaadöcoomoje i’jummatääcä, yää ataamejöönö. Iiña tämeenato omoomö’da, cödhaucwä änäu’cwa’da mmaja.

DUUCA 14:14

Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

DUUCA 16:11

Edä nono de’wono mösooma chäänönge ännö’da aweiya’comjäcä, ¿aaquene mmaja aashichaato jaiñoone äwwäiñe ä’tuduude’ ?

DUUCA 16:13

“Aacä tädhaajä tödööjai’che weiñä nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña, yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja; que cönä’döaacä Jesuuquidiito soto wwäiñe.

DUUCA 16:4

Yoowanääcä na öwwä tödöötojo, tötaadawaajuiche’da wä’döa’jäcä tömmai chacaiñe soto yöödöiyeto’de yaawä;” quee cöntö’tajä’acä.

DOSECHO 10:31

Töwö cönä’döaacä öwwä: “Conneediyo, Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 10:4

Töwö Conneediyo tösaadöje yäätäädä amoode cöneene’maacä; cönä’döaacä chäwwä: —¿Ane’cä mädä, Cajiichaana? quee cönä’döaacä. Yaawä ñäädä amoode cönä’döaacä: —Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.