DUUCA 16:8 - Wanaadi A'deddu

⁸ Yaawä chäädhajä aashicha cöna’deuwöi ñäädä tanoonö chäänöngemjönö jäcä, tösejjeque tödööjätö’jödö weijäcä chäwwä. Edä nono de’woncomo tösejjeque jeene naato töjimmotoncomo tödöödö jäcä, tawaanato awoncomo e’jodheiñe’cä.

DUUCA 16:8 ပူးပေါင်းရင်းမြစ်များ

MATEO 12:32

Ñäädä Soto nnedö jäcä conemjönö wa’deuwödö, choone’nadiiyö ätäncwanno’jojai ña. Epíiditu Santo jäcä conemjönö wa’deuwödö mmaane, choone’nadiiyö ätäncwanno’jo’da na’de, eduuwa weiñä naadawä, weiñä na’dedö awä mmaja.

MATEO 17:26

—Anejjacoomo wwä ’cännä; quee cönä’döaacä Peedhodo. Jesuuquidiito cönä’döaacä yaawä: —Yääje yeiya’jäcä shootoichomo aneejema’da eijai ñaato yaawä.

DUUCA 16:10

“Ñäädä mänö’cä mmädä chäänönge tödöönei, joojato mmaja chäänönge tödööjai ña dea. Ñäädä ’quene mänö’cä mmädä chäänönge ännöjöönö, joojato mmaja chäänönge ännö’da eijai ña.

DUUCA 16:4

Yoowanääcä na öwwä tödöötojo, tötaadawaajuiche’da wä’döa’jäcä tömmai chacaiñe soto yöödöiyeto’de yaawä;” quee cöntö’tajä’acä.

DUUCA 16:7

Anejja daja töwö cöneecamma’joi chea: “ ¿Amäädä ’na, ä’waasa’cä mejeeque’nä’anä amäädä?” quee. Ñäädä cönä’döaacä: “Ijaatoodea soto saacu äiña wejeeque’nä’a;” quee cönä’döaacä. Ñäädä jödaata edhaajä jajeeda cuntui chäwwä, ñeejeque’näjöödö imennaajä a’täi. “Edä ajaajedai”; quee cönä’döaacä, “aneejeque’näjöödö imennaajä chamjiyaacacä; aacäichea soto mma aneejeque’näjöödö imennäcä;” quee cönä’döaacä.

DUUCA 18:6

Edääje cönä’döaacä yaawä Cädhaajotoncomo: —Mädääje cöntö’tajäätöi ñäädä äcamma’jonei chäänöngemjönö.

DUUCA 20:34

Jesuuquidiito cöneccujä’a’to; cönä’döaacä: —Edä nono de’woncomo töjööta weneeneto; tönnacontoncomo töniiñonoojo mmaja.

DUUCA 20:35

Ñanno mmaane, aashicha töwei’jocoomo weijäcä caju ña naato’dedö, ñanno töwäämaajo jonno yaadonca’como, ijööta’da naato’de, tönnacontoncomo aniiñonoojo’da mmaja.

JUAN 12:36

Weiyu ecaanö’täcä ajaadäiñe naadawäädä, tawaanato awoncomooje meichäiye; quee cönä’döaacä Jesuuquidiito. Yääje töwa’deuwö’jeje Jesuuquidiito cöntämä yäätonno, etoone’tädööcomooje mma.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

EUJEESIYO 5:8

Jenaadä änwanno mä’ja’quene tööjano’taca; eduuwa mmaane tawaanato aca maato Cajiichaana jadä aweichöcoomo jäcäinchädä. Yääje yeijäcä tawaanato acancomo nönge deaane eichäcä.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

1 TEESADOONISENSE 5:5

Änwanno maato tawaanato acancomooje, anooto awoncomooje mmaja. Cönwanno quedeiyentecoomo coijaichomoojönö, tööjano’tacancomoojönö mmaja.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 JUAN 3:10

Mädääje täne’ju’dhe naato Wanaadi nnacoomo, odo’sha nnacoomo mmaja. Ñäädä chäänöngato tödööneijönö, töweichacoono ämjummajöönö, Wanaadi nnedööjönö ñäädä.