DUUCA 16:2 - Wanaadi A'deddu

² Yääje mma yaawä ñäädä dhanwa tanoonö cönä’dejjai; cönä’döaacä: “ ¿Aaqueneeto mädä äjääcä näätaadö? Sa’donna ecammacä tameedä ataadawaajui’jödö. Önnödö edhaajäje eijai’cha ma eduuwa;” quee cönä’döaacä.

DUUCA 16:2 ပူးပေါင်းရင်းမြစ်များ

MATEO 12:36

Öwö yääje wä’döa äwwäiñe, wätämmencajootojo anooto awä tameedä soto nätääcamma’jajaato’de tameedä towoinchadäiñe töwa’deuwö’jocoomo jäcä.

MATEO 20:8

Chööjanga’jäcä yaawä audaajä edhaajä cönä’döaacä tötaadawaajui döjoonei wwä: “Tadaawaaju dönnamo a’dejjacooto, mejeemaiyeto chaadawaajuichomo’jödö. Möcääcä’ja’como wääwaaca’jocoomo ejeemacooto awa’de, yää ’jeje awa’de’como waajänto’jocoomo;” quee cönä’döaacä.

DUUCA 12:20

Yääje mma yaawä Wanaadi cönä’döaacä chäwwä: “Aneene’ju’jönö amäädä. Edä coijaichawä määma’de. ¿Änääcö wwonooje eichai’che yaawä mädä onsomaadö’jödö?” quee cönä’döaacä Wanaadi ñäädä tönsomaacato wwä.

DUUCA 12:42

Töwö Cädhaajotoncomo cönä’döaacä yaawä: —¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 16:1

Edääje mmaja Jesuuquidiito cönä’döa’dea tönoowanoomadö wwäiñe: —Dhanwa cönä’jaacä töjöödataichato. Töwö shootoi töweiye cönä’jaacä, iiñödö edhaajä. Anejjacoomo cöneecammaicho yaawä ñäädä töjöödataichato wwä dhanoonö chäänönge’da ijöödatai acoichadööje yeichö.

DUUCA 16:3

Yaawä ñäädä iiñöjäätödö edhaajä töwwäädä cöntö’tajä’acä: “Ane’cäämö wödööanä eduuwä? Yeedhajä yu’ca’se na mädä taadawaajuije yeichö jonno. Jäduuje’da tö’ta, nono töcaaneije etaadawa’cajoojai’cha. Aateme’jai’cha wa dea, töjöiye.

DOMAANO 14:12

Yääje yeijäcä cöwaadäiñe cöweichöcoomo jäcä cätääcamma’jajaato’de Wanaadi wwä.

1 CODINTIYO 1:11

Ñanno Codoowé wä’jimmä’tädö adheecammajä’täne öwwä, jimmä, töwäätäccujä’e aweichöcoomo.

1 CODINTIYO 4:2

Ñäädä anontaajä chäänönge eijai ña.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

1 TIIMOTEO 4:14

Ema’jödööje’da tödööcä Wanaadi nutuudu äwwä naadö, yää Wanaadi woije ade’wä ansiyaano tamäädöcoomo cönnöichodaawä äwwä cönä’tuichö.

1 TIIMOTEO 5:24

Anejjacoomo soto cone’nadiiyöcoomo tacaade töweiye nai; yää jo’tädööje nätä’maminchajaato’de. Anejjacoomo cone’nadiiyö mmaane äcuude’cä töwäänejoomöje na.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.

1 PEEDHODO 4:5

Tönwanno töwei’jocoomo jäcä nätääcamma’jajaato’de ñäädä nudo’como emmencaneichomo wwä, ñäädä yä’ja’a’como emmencaneichomo dea.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.