DUUCA 16:1 - Wanaadi A'deddu

¹ Edääje mmaja Jesuuquidiito cönä’döa’dea tönoowanoomadö wwäiñe: —Dhanwa cönä’jaacä töjöödataichato. Töwö shootoi töweiye cönä’jaacä, iiñödö edhaajä. Anejjacoomo cöneecammaicho yaawä ñäädä töjöödataichato wwä dhanoonö chäänönge’da ijöödatai acoichadööje yeichö.

DUUCA 16:1 ပူးပေါင်းရင်းမြစ်များ

MATEO 20:8

Chööjanga’jäcä yaawä audaajä edhaajä cönä’döaacä tötaadawaajui döjoonei wwä: “Tadaawaaju dönnamo a’dejjacooto, mejeemaiyeto chaadawaajuichomo’jödö. Möcääcä’ja’como wääwaaca’jocoomo ejeemacooto awa’de, yää ’jeje awa’de’como waajänto’jocoomo;” quee cönä’döaacä.

DUUCA 12:42

Töwö Cädhaajotoncomo cönä’döaacä yaawä: —¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

DUUCA 15:13

Numa’da mma yää ’jeje ñäädä dhacoono cöneesomaajätöi; amoinche cöntämä anejja jataaca. Iiña tameedä töjöödatai cönaacoichai tömaasuduichadö jäcä.

DUUCA 15:30

Mä’dä ännedö, masuuduichanä que tameedä ajöödatai acoichanei’jödö yä’döa’jäcä mmaane, jaaca nnedö’cä ejuiñanö’caajä jaiñoone mamiiñä’cajoi;” quee cönä’döaacä yui tumö wwä.

DUUCA 16:19

“Dhanwa töweiye cönä’jaacä, tönsomaacato. Töwö töweewontä cönä’jaacä aashichaato que, camiisha täjeeto awä mmaja. Anooto waadäi jooje töwääwashinchä cönä’jaacä töjimmä jadäiñe.

DUUCA 16:2

Yääje mma yaawä ñäädä dhanwa tanoonö cönä’dejjai; cönä’döaacä: “ ¿Aaqueneeto mädä äjääcä näätaadö? Sa’donna ecammacä tameedä ataadawaajui’jödö. Önnödö edhaajäje eijai’cha ma eduuwa;” quee cönä’döaacä.

DUUCA 19:20

Anejja dhanoonö daja cöneejä dea yaawä; cönä’döaacä: “Cajiichaana, edä yää ajöödatai. Camiisha aca önsomaadö cönä’jaacä.

DUUCA 8:3

Juana mmaja cönä’ja’dea, Chuusa jiñamo, ñäädä Edoodhe jödaatai edhaajä; Susaana mmaja cönä’ja’dea; jooje anejjacoomo wodiiñamo mmaja, töwwäiñe töweiyato que Jesuuquidiito i’wa’tännamo.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

SANTIYAACO 4:3

Aneedawä äwwäiñe e’ca’taame ä’tu’da dea weneene, chäänönge’da töne’ca’e aweijäcäiñe; ajuunucoomo nijummadö woije tödöödö wetä yää töne’ca’e määnetääne.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.