DUUCA 15:7 - Wanaadi A'deddu

⁷ Chäänönge yääje wä’döa äwwäiñe, ñäädä dhanwa ta’cwaiñe cönä’ja’döje mmaja caju ñancomo ta’cwaiñe weneeneto dea tooni conemjönö tödöönei wwä tötö’tajäätödö sha’dumincha’jäcä, ijimmä aashicha’como jäcäiñe ta’cwaiñe töweichöcoomo e’jodhe’cä, ñanno tötö’tajäätödööcomo sha’duminchadö tujunnemjöncomo.

DUUCA 15:7 ပူးပေါင်းရင်းမြစ်များ

MATEO 18:13

Töwwä edanta’jäcä na’cwaincha yaawä ñäädä oweeja’cä jäcä, ñanno ijimmä shaadijamjöncomo’jödö jäcäiñe ta’cwaiñe töweichö e’jodhe’cä.

MATEO 3:8

Aweichöcoomo sha’duminchatääcä, tötö’tajäätödööcomo yeesa’dumincha’como weichö nöngeene.

DUUCA 15:10

Chäänönge yääje wä’döa äwwäiñe, ñäädä wodi ta’cwaiñe cönä’ja’döje mmaja Wanaadi amoodedö caju ñancomo töwa’cwaincha weneeneto dea tooni conemjönö tödöönei wwä tötö’tajäätödö sha’dumincha’jäcä; quee cönä’döaacä Jesuuquidiito.

DUUCA 15:29

Töwö tumö cöneccujä’acä yaawä: “Numa adhaanonööje weichaame, tooniye awaanontä’jödö ämja’do’jo’da weichaame mmaja, chiiwo nnedö’cä mmädä äntu’da määnene öwwä, jimmä jadäiñe wääwashinchotoojoje.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

DUUCA 15:6

Tömmai chaca töwä’döa’jäcä töjimmä na’dejjaato, töjaatawoncomo mmaja. Chäwwäiñe nä’döa: “Jaadä adha’cwainchatääcä, yeecönö shaadijaamö’jödö edantä’jödö weijäcä öwwä;” quee nä’döa ñäädä dhanwa.

DUUCA 15:8

“Wodi jödaatai amoojadä yeiya’jäcä, tooni yääma’jäcä yaawä, ¿tameedä yeichö wa’cä anuuji’cha ca eijai ñai, tä’sadö semeecancädä mmaja, edantädö wa’cä?

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

DUUCA 5:32

Chäänönga’como a’dejja’da we’ne, conemjönö dönnamoone, tötö’tajäätödööcomo sha’duminchaiyeto; quee cönä’döaacä Jesuuquidiito.

DOMAANO 7:9

Jenaadä waanontänä ’je’da weichö nudooto wa’cä töweiye wä’jaaquene. Yaawä yää waanontänä conemjönö cöneene’ju’joi öwwä; wäämane yaawä.