DUUCA 15:30 - Wanaadi A'deddu

³⁰ Mä’dä ännedö, masuuduichanä que tameedä ajöödatai acoichanei’jödö yä’döa’jäcä mmaane, jaaca nnedö’cä ejuiñanö’caajä jaiñoone mamiiñä’cajoi;” quee cönä’döaacä yui tumö wwä.

DUUCA 15:30 ပူးပေါင်းရင်းမြစ်များ

MAADOCO 12:44

Tameedä canno töjöödataichomo nödöicho yä’cä mmajöönö. Määdhä wentumjato’cä mmaane tameedä töwwä nä’jannö nutui, täwanshiñö ejeematoojojaato’jödö jadäädä; quee cönä’döaacä Jesuuquidiito.

DUUCA 15:29

Töwö tumö cöneccujä’acä yaawä: “Numa adhaanonööje weichaame, tooniye awaanontä’jödö ämja’do’jo’da weichaame mmaja, chiiwo nnedö’cä mmädä äntu’da määnene öwwä, jimmä jadäiñe wääwashinchotoojoje.

DUUCA 15:31

Yääje mma yaawä yuumö cönä’döaacä: “Etaacä dhanwa; amäädä jaadä määnene, aweichöje. Tameedä önnödö ännödööje mmaja na dea.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.