DUUCA 15:10 - Wanaadi A'deddu

¹⁰ Chäänönge yääje wä’döa äwwäiñe, ñäädä wodi ta’cwaiñe cönä’ja’döje mmaja Wanaadi amoodedö caju ñancomo töwa’cwaincha weneeneto dea tooni conemjönö tödöönei wwä tötö’tajäätödö sha’dumincha’jäcä; quee cönä’döaacä Jesuuquidiito.

DUUCA 15:10 ပူးပေါင်းရင်းမြစ်များ

MATEO 10:32

“Ñäädä soto netaadöcoomoje töjöiye’da yeecammajä’nei, öwö mmaja Jaaja wwä töjöiye’da wecamma’dede jaadonooje yeichö.

MATEO 18:10

“Canno mudeeshi’chä mänquiiñeme’täi. Yääje wä’döa äwwäiñe, canno mudeeshi’chä edai’chännamo Jaaja caju ñano je’taca töweiye naato, ñanno amoode.

MATEO 18:14

Mädääje dea Oomotoncomo caju ñano tooni yännamjö’se’da na canno’cä.

DUUCA 12:8

“Öwö, Soto nnedö, yääje wä’döa äwwäiñe, ñäädä soto netaadöcoomoje töjöiye’da yeecammajä’nei, öwö mmaja Wanaadi amoodedö netaadöcoomoje töjöiye’da wecamma’dede jaadonooje yeichö.

DUUCA 12:9

Ñäädä soto netaadöcoomoje joome’dänei mmaane, öwö mmaja wijoome’da’dede Wanaadi amoodedö netaadöcoomoje.

DUUCA 13:5

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede; que cönä’döaacä Jesuuquidiito.

DUUCA 15:11

Edääje Jesuuquidiito cönä’döa’dea: —Dhanwa aacä iiñacoomo cönä’ja’to.

DUUCA 15:7

Chäänönge yääje wä’döa äwwäiñe, ñäädä dhanwa ta’cwaiñe cönä’ja’döje mmaja caju ñancomo ta’cwaiñe weneeneto dea tooni conemjönö tödöönei wwä tötö’tajäätödö sha’dumincha’jäcä, ijimmä aashicha’como jäcäiñe ta’cwaiñe töweichöcoomo e’jodhe’cä, ñanno tötö’tajäätödööcomo sha’duminchadö tujunnemjöncomo.

DUUCA 15:9

Töwwä edanta’jäcä töjimmä na’dejjaato yaawä, töjaatawoncomo mmaja. Töwö nä’döa chäwwäiñe: “Jaadä adha’cwainchatääcä, jöödatai wääma’jödö edantä’jödö weijäcä öwwä;” quee nä’döa ñäädä wodi.

DUUCA 7:47

Yääje yeijäcä edääje wä’döa äwwä, töwö choone’nadiiyö täncwanno’jo na, töwö chäwwä jooje jummadö weijäcä. Ñäädä she’caasa choone’nadiiyö encwanno’jaajä, jummatä’daiche; quee cönä’döaacä Jesuuquidiito.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

2 CODINTIYO 7:10

Yää Wanaadi woijato que cone’da wä’döjoonä tötö’tajäätödö wesa’duminchadö nejoodöja; yää neja’ca yaawä wääwanaacatoojoje. Mädä nöngato que cone’da wä’döjoonä cone’da tödööemje’da na. Edä nono de’wono woijato que cone’da wä’döjoonä mmaane wäämanä nejoodöja.

JIIDEMÓN 1:15

Mädääje töwä’döeemöje’da ca asancwaneedö jääcä a’dhe, eduuwa yeichöje ajaadä yeichö wetä.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.