DUUCA 13:14 - Wanaadi A'deddu

¹⁴ Yaawä ñäädä we’jummatoojo edhaajä cönäätömai wäädeetatoojo anootoi’chädö awä ejiichö’tä’jödö weijäcä Jesuuquidiito wwä. Töwö cönä’döaacä soto wwäiñe: —Tooni amoojato anooto na wetaadawa’cajootojo. Yää anooto awääne ääjichö’täjo e’jai maato, wäädeetatoojo awä’daane; quee cönä’döaacä.

DUUCA 13:14 ပူးပေါင်းရင်းမြစ်များ

MATEO 12:2

Yää eneea’jäcä jaadiseeo cönä’döa’to Jesuuquidiito wwä: —Eneecäjaane’ma, wäädeetatoojo anooto awä tödööemjönö onoowanoomadö nödööaatoodö; quee cönä’döa’to ñanno jaadiseeo.

MAADOCO 5:22

Yaawä cöneejä judhío we’jummato’como edai’chänei, Jaidoje chäätö. Jesuuquidiito töwwä eneea’jäcä tä’mudhe Jaido cönä’döi yaawä ije’taca.

DUUCA 6:11

Ñanno jaadiseeo cönäätömaicho yaawä jooje. Tönwannoje dea cöna’deuwa’to töwwäiñe Jesuuquidiito emaatojo jäcä.

DUUCA 6:7

Yäätä cönä’jaacä dhanwa dhamäädö töwaamo’mongato ämu’demjönö dö’se. Judhío owaanomannamo, jaadiseeo mmaja, Jesuuquidiito cöneene’ma’to: “ ¿Adoncatai ’ja, wäädeetatoojo anooto yeichaame?” quee töucwadööcomooje, chääjäcä cone’da töwa’deuto’como ejoodödö wetä.

DUUCA 8:41

Yaawä dhanwa cöneejä, Jaidoje chäätö. Töwö cönä’jaacä judhío we’jummato’como edhaajä. Töwö tä’mudhe cönä’döi Jesuuquidiito o’wawä. Tömmai chaca cönaadäaacä,

DOSECHO 13:15

Ñanno we’jummatoojo tacancomo cöna’de’ta’to jenaado’jä waanontänä imennaajä, Wanaadi wa’deuwödö ecammannamo nimenno’jocoomo mmaja. Yää ’jeje we’jummatoojo edhaamo cönä’döa’to Paudo wwä: —Jimmä, soto wätuujato’como äwwäiñe töweiye yeiya’jäcä adha’deutäcä; quee cönä’döa’to.

DOSECHO 18:17

Yaawä tameedä quidiiyeecocoomo Sóotene cönaajoicho, ñäädä we’jummatoojo edhaajä. Acu’shänä neneedöje tönwanno cönaiju’jätöicho. Yää jadä’jödöödä Caadiyón cone’da ännö’da cöneiyacä.

DOSECHO 18:8

Yaawä Quidiipo, ñäädä we’jummatoojo edhaajä, tameedä töwä’jimmä’tätö jadäiñe cöneecamjöi Cajiichaana Jesuuquidiito. Jooje anejjacoomo Codinto ñancomo cöneecamjöicho dea Wanaadi a’deddu ecammajäätödö etaadö’jo. Wautisaaje cönä’döjoicho yaawä.

DOMAANO 10:2

Öwö yoowanääcä na jooje Wanaadi tumjumma yeichöcoomo, towaanäcäiñe yeiyancädä’daane.