DUUCA 12:5 - Wanaadi A'deddu

⁵ Öwö wecamma ñäädä äwwäiñe tönoiñe eijaicho; ñäädääne ñontätääcä, adheema’jejeiñe odo’tadööcomo jadäädä wa’to nwaca adheemajaichoone. Ee, ñäädääne ñontätääcä.

DUUCA 12:5 ပူးပေါင်းရင်းမြစ်များ

MATEO 10:28

Aji’jä emaanei monnontätäi’che; odo’tadö emaajai’cha na töwö. Ñäädääne ñontäjai maato, odo’tadö jadä’jödöödä wa’to nwaca adheemajaichoone.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MAADOCO 13:23

Odhoowoinchadäiñe’da eichäcä’de änwanno; tameedä äwwäiñe wecammajäätöi dhowaajodä.

1 TEESADOONISENSE 4:6

Anejja conemjönö ännöi’che töweichacoono jiñamo jäcä. Cädhaajotoncomo nimaamincha’de tameedä yää nöngato conemjönö tödöönei. Mädääje dea töneecammajä’e ñaa töweiye cönä’jaacä äwwäiñe, äwäätuujadööcomooje.

EEWEDEO 10:31

Tönoiñe töweiye nai Wanaadi nudooto wwä wätä’maminchajoonä.

2 PEEDHODO 2:4

Conemjönö tödööa’jäcä Wanaadi amoodedö wwäiñe töwö Wanaadi aneewanaaca’daiñe cöneiyacä; wa’to nwaca cönenno’jaicho. Jedeesoje cönnöicho tööjano’taca, cadheena que tömööjä’e, yäätä töwäätä’maminchajooto’como cu’nädö womoocödö wetä.

APOOCADIISI 14:7

Ñäädä amoode töcä’de cöna’deuwacä; cönä’döaacä: —Wanaadi ñontätääcä; o’jodhaatoje e’tätääcä. Soto emmencato’como cu’nädö mädä eduuwa chäwwä. Ya’deme’täcä ñäädä caju tödöönei’jödö, nono mmaja, dama mmaja, tuna juduucomo dönei’jödö mmaja; quee cönä’döaacä ñäädä amoode.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.

APOOCADIISI 20:14

Yaawä wäämanä mmaja, yä’ja’a’como weicho’como mmaja, cönäätämaajoi jiyooto comootödö ña. Yää jiyooto comootödö ña wötäänä yää, yää ’jejaato wäämatoojo.