DUUCA 12:32 - Wanaadi A'deddu

³² “Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DUUCA 12:32 ပူးပေါင်းရင်းမြစ်များ

MATEO 14:27

Yaawä dea mma Jesuuquidiito cöna’deuwöi chäwwäiñe: —Ääcatonca’daane eichäcä, öwö mma. Tösaade’daane eichäcä; quee cönä’döaacä.

MATEO 20:16

Mädääje na. Ñanno wentumja’como’jödö täneejuque naato’de. Ñanno täneejuca’como’jödö mmaane ema’jödööje naato’de. Jooje a’dejja’como naatoodö’je; e’ta’como jaiñoone äächädä mma; quee cönä’döaacä. Jesuuquidiito.

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

MATEO 7:15

“Äädai’chätääcä ecammajä’nnamo chäänöngemjöncomo jäcäiñe, ñanno Wanaadi woija’como wätä’tädö. Tönwanno ne’aato’de adhencu’täiñe, oweeja nönge’jödö mma, tääde’cwademjöncomo wa’cä, madooje töweichaameiñe.

DUUCA 10:21

Yaawä Jesuuquidiito cöna’cwainchai Epíiditu Santo woije. Töwö cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane. Chäänönge na, Jaaja, mädääje tödö’se aweiyeetö’da.

JUAN 18:36

Jesuuquidiito cönä’döaacä yaawä: —Edä nono de’wonoojönö cajiichaanaje weichojo na. Dha’da ei’jo sootoi ewäänä’tädö neiyaato, judhío wwäiñe tu’e’da weichö wetä. Edä nono de’wonoojönööne cajiichaanaje weichojooje na öwö; quee cönä’döaacä Jesuuquidiito Pidaato wwä.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:29

Yää ’jeje öncäcäädä adhantawäiñe naato’de quedeiyentecoomo acoicha’sa’como, mado tääde’cwada’como oweeja tönaacoichaiñe töweiye naichodööje.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TEESADOONISENSE 1:5

Yääje aweichöcoomo neneeja chäänönge Wanaadi tönnöe yeichö. Mädä miyeetuncaatoodö Wanaadi sotoije aweichöcoomo adheene’ju’jaato. Yääje yeijäcä mäntunaanö’aato.

EEWEDEO 12:28

Cöwwäiñe Wanaadi nutuudu na cöjaatadööcomo ätu’mejöönö. Yääje yeijäcä ta’cwaiñe queichäiye Wanaadi jäcä; quiiya’deme’täiye töwö yaacötö tödööancädä, ñontancädä mmaja.

SANTIYAACO 2:5

Etaatäcä, jimmä umjummadö. Ñanno edä nono de’wono que tönsomaaquemjöncomo Wanaadi cöneicho jooje ecamjödö chäwwäiñe töweiyaamoje. Ñanno Wanaadi sotoije naato’de, tujummannamo weicho’como ñeecamma’jödö nönge dea.

2 PEEDHODO 1:11

Yaawä adheemu’däneichomo ’je’da Wanaadi aweichöcoomoje ayöödöaato’de Cädhaajotoncomo sotoije, ñäädä Cäwaanacaaneichomo Jesuuquidiito.

APOOCADIISI 1:6

Töwö cajiichaanaja’comooje cödöötäne, Tumö Wanaadi wwä töwa’deuwaamoje mmaja. Töwö Jesuuquidiito na aashicha wa’deutojooje, cajiichaanaje mmaja, yeichöödäje. Amén.

APOOCADIISI 22:5

Coijaicho ’je’da na’de yaawä. Adhaawa tujunne’da na’de chäwwäiñe, shii tujunne’da mmaja, Cajiichaana Wanaadi niyeijodö nataawä yeijäcäiñe. Tönwanno cajiichaanaje naato’de yeichöödäje.