DUUCA 12:20 - Wanaadi A'deddu

²⁰ Yääje mma yaawä Wanaadi cönä’döaacä chäwwä: “Aneene’ju’jönö amäädä. Edä coijaichawä määma’de. ¿Änääcö wwonooje eichai’che yaawä mädä onsomaadö’jödö?” quee cönä’döaacä Wanaadi ñäädä tönsomaacato wwä.

DUUCA 12:20 ပူးပေါင်းရင်းမြစ်များ

1 TIIMOTEO 6:7

Cönwanno tänwase’da quennutääne edä nono de’wä; tänwase’da mmaja cöötaato’dede edä nono jonno.

SANTIYAACO 4:14

Odhoowanääcäiñe’da dajaane na jenamma aweicho’como. ¿Ane’cäämö nönge cöweichöcoomo töweiye nai, quee ’ja? Wedeinchä nönge mma caato, a’dhe’cä mma yäänejoodö, yaawä dea mma yännamjödö.

1 TEESADOONISENSE 5:3

“Täncanoode’da caato; ä’jajo’da caato;” quee soto wä’döa’comjäcä, yaawä jadheedä chääjäcäiñe ne’a’de conemjönö, wodi wensu’dato iiñedo tödhe’nunge naichöje. Tönwanno töwäänejeeto’como aneejodö’da naato’de.

DUUCA 11:40

¿Odhoowanääcäiñe’da ca’ nai ñäädä soto ejö tödöönei’jödö dea yo’tadö tödöönei’jödööje mmaja yeichö?

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.