DUUCA 12:1 - Wanaadi A'deddu

¹ Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 12:1 ပူးပေါင်းရင်းမြစ်များ

DUUCA 11:44

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno maato äwa äänejöönö töweiye naichöje, yää ye’cäcä soto töwäämannä’e töweiye naichodö, towaanäcäiñe’da yeiyancädä; quee cönä’döaacä Jesuuquidiito.

DUUCA 12:56

Yääjönö wa’co’como wäänejoodö änwanno. Änwanno weiñä töneene’ju’e määnetääne, caju weichö eneedö que, nono weichö eneedö que mmaja. ¿Aaquene eduuwa weiñä naadö cu’nädö aneene’jutu’da maato?

DUUCA 5:1

Jeneesade cu’jäi jawä Jesuuquidiito weichö, jooje soto cönä’döicho yöiña, Wanaadi a’deddu eta’se töweijäcäiñe. Tönwanno Jesuuquidiito cönanwacö’ja’to, yeichojo ’je’da tödööene.

DUUCA 5:15

Töwääcadeeme’jo’se’da Jesuuquidiito weichaame jooje’cä mma chääcadö cöneecatai. Jooje soto töwe’jumma cönä’ja’to ñeecammajäätödö etaadö wetä, töwääjichö’täjoodöcoomo wetä mmaja.

DUUCA 6:17

Jesuuquidiito jöö daca cönä’täi yaawä ñanno töne’to’jocoomo jadäiñe. Acaanawä cönä’jaacä yaawä tönoowanoomadö jadäiñe. Jooje Judheea ñancomo cönä’ja’to dea chääjadäiñe, jooje Jeduusadén ñancomo mmaja, Tiido ñancomo mmaja, Sidhón ñancomo mmaja, ñanno dama jawoncomo. Ñanno cönä’ja’to dha’deddu eta ye’a’como, chäwwä töwaadoncajoodöcoomo wetä ye’a’como mmaja.

DOSECHO 21:20

Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.

1 CODINTIYO 15:3

Awa’deene wecammajä’ne äwwäiñe öwö öwwono wä’tu’jödö mmaja. Öwö monoowanoomatääne cöcoone’nadiiyöcoomo jäcäinchädä Quidiito wääma’jödö jäcä, Wanaadi a’deddu imennaajä wä’dödö nönge dea.

EEWEDEO 12:22

Siyon ’jödö wwadäädääne me’täne, Wanaadi jataacäi mmaja, yää caju ñano Jeduusadén ñanoi’chädö. Jooja’como amoode we’jumma’como wwadäädäiñe mmaja me’täne dea, ñanno Wanaadi jäcä aashicha töwa’deuwaamo,

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.