DUUCA 11:9 - Wanaadi A'deddu

⁹ Yääje yeijäcä yääje wä’döa äwwäiñe: Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’deucaiye.

DUUCA 11:9 ပူးပေါင်းရင်းမြစ်များ

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 21:31

¿Äshono tumö waanontä’jödö cönnöi ñanno aacä cönä’ja’todö? quee cönä’döaacä Jesuuquidiito. Ñanno judhío edhaajotoncomo cönä’döa’to yaawä: —Ñäädä awa’deeto. Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñanno acu’shänä jödaatai i’jummannamo mmaja, masuuduija’como mmaja, Wanaadi sotoije nä’döaato odhoowajoiñe.

MATEO 6:29

Yääje wä’döa äwwäiñe, ñäädä cajiichaana Saadomón womö edä chääjödö wa’cä’da cönä’jaacä iiñataaje yeichö, jooje tönsomaaque yeichaame töwö Saadomón.

MAADOCO 11:24

Yääje yeijäcä yääje wä’döä äwwäiñe, tameedä Wanaadi wwä ane’catäädöcoomo ecaanö’täcä utuudu; yaawä äwwäiñe nä’tua’de.

MAADOCO 13:37

Mädä äwwäiñe wecammaadö tameedä soto wwäiñe wecamma dea, äädai’chätääcä; quee cönä’döaacä Jesuuquidiito.

DUUCA 11:10

Ñäädä e’ca’nei wwä töwä’tue töweiye nai, ujiiñei wwä töwäädantojo, a’dejjanei wwä mönaatata töwaata’duca.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:7

“Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

2 CODINTIYO 6:2

Edääje töwö Wanaadi nä’döa, dha’deddu imennaajä jäcä naadö: Chu’nädö aca yä’döa’jäcä adha’deddu wetaane; wääwanaacatoojo cu’nädö awä mani’wa’täne; quee nä’döa. Chu’nädö aca yä’döaajä mädä eduuwa; wääwanaacatoojo cu’nädö mädä eduuwa caatoodö.

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.

EEWEDEO 4:16

Yääje yeijäcä tösaade cöweiyancädäiñe’da täjai caato cujummaneichomo Wanaadi mudei wwadäädä, wentumje cäne’matäiye töwö yaawä, aashicha töweichö woije cö’wa’tätäiyede jäduuje’da cöweichawäiñe.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 5:15

Ecamjödö que ya’deuwa’comjäcä cädäijato nääwanaaca’de; Cajiichaana nadonca’de. Choone’nadiiyö töweiye yeiya’jäcä nätäncwannä’ja’de.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.

APOOCADIISI 2:24

Änwanno dhantai Tiiyatiida ñancomo, yää wätunnä aneecanö’jöncomo, Caajuushawa nowaanomaadö sö’jato täcammaamö jäcä oowanoomajöncomo’jödö, edääje daja wä’döa äwwäiñe: Öwö adhaanontätäiñe’da wa anejja tödöödö jäcä.